పాకిస్థాన్ బంగారం ధర ఎందుకు పడింది? రెండు రోజుల్లో భారీ పతనం!

పాకిస్థాన్ ఆర్థిక సంక్షోభంతో కుదిరిపోతున్న నేపథ్యంలో అక్కడి బంగారం ధరలు ఊహించని రీతిలో కుప్పకూలాయి. గత కొన్ని రోజులుగా ఆకాశాన్ని తాకుతున్న పసిడి రేట్లు ఇప్పుడు తీవ్రంగా దిగిపోతున్నాయి. ఆదేశంలోని మార్కెట్ వర్గాలు ఈ రికార్డు స్థాయి తగ్గుదలపై ఆశ్చర్యానికి గురయ్యాయి.కేవలం 48 గంటల వ్యవధిలోనే తులం బంగారం ధర రూ. 61,000 వరకు పడిపోయింది. ఆల్ పాకిస్థాన్ జెమ్స్ అండ్ జ్యువెలర్స్ సరాఫా అసోసియేషన్ (APGJSA) నివేదిక ప్రకారం బుధవారం, గురువారం రోజుల్లో బంగారం ధరల్లో భారీ క్షీణత నమోదైంది. గురువారం ఒక్కరోజే ధరలో రూ. 25,500 పడిపోయింది. ప్రస్తుతం తులం బంగారం ధర రూ. 5,11,862 వద్ద నిలిచింది. అదే సమయంలో 10 గ్రాముల ధర కూడా రూ. 21,862 తగ్గి రూ. 4,38,839కు చేరింది.ఇది గమనించదగ్గ విషయం ఏమిటంటే, జనవరి 28న తులం బంగారం ధర రూ. 5.51 లక్షల మార్కును దాటి ఆల్-టైమ్ రికార్డు స్థాయిని స్పర్శించింది. ఆ రికార్డు స్థాయి నుంచి ఇప్పుడు ధరలు వేగంగా దిగుముఖంగా మారుతున్నాయి.ధరలు తగ్గడానికి ప్రధాన కారణం అంతర్జాతీయ మార్కెట్‌లో పసిడి ధరలు భారీగా పడిపోవడమేనని విశ్లేషకులు అంటున్నారు. గ్లోబల్ మార్కెట్‌లో ఔన్స్ బంగారం ధర 255 డాలర్లు తగ్గి 4,895 డాలర్ల వద్ద స్థిరపడింది. అదే సమయంలో స్థానిక మార్కెట్‌లో డిమాండ్ తగ్గడంతో కూడా ధరలు మరింత క్షీణించాయి.బంగారం ధరలు భారీగా పెరుగుతాయని అంచనా వేసుకున్న పాకిస్థాన్‌లో పెట్టుబడిదారులు, సాధారణ కొనుగోలుదారులు ఇప్పుడు మార్కెట్ వైపు ఆసక్తితో చూస్తున్నారు. ఈ తగ్గుదల ఇంకా కొనసాగుతుందా లేదా అన్నది రాబోయే రోజుల్లో స్పష్టమవుతుంది.