ప్రతి నెలా రూ.5 వేలు పొందండిలా!
Technology | Suryaa Desk | Published : Tue, Jun 07, 2022, 04:04 PM
పోస్టాఫీస్ సేవింగ్ స్కీమ్స్‌లో చేరాలని భావిస్తున్న వారికి ప్రతి నెలా ఆదాయం వచ్చే స్కీమ్ ఒకటి అందుబాటులో ఉంది. అదే మంత్లీ ఇన్‌కమ్ స్కీమ్. ఇందులో చేరితే ప్రతి నెలా మీ అకౌంట్‌లోకి రూ.5 వేల వరకు పొందొచ్చు. పోస్టాఫీస్ మంత్లీ ఇన్‌కమ్ స్కీమ్ అకౌంట్‌ను రూ.1000తో కూడా ఓపెన్ చేయొచ్చు. ఈ స్కీమ్ ద్వారా నెలకు రూ.5 వేలు పొందొచ్చు. సింగిల్ అకౌంట్ లేదా జాయింట్ అకౌంట్ ఫెసిలిటీ అందుబాటులో ఉంది. మీరు ఎలాగైనా అకౌంట్ ఓపెన్ చేసుకోవచ్చు.
సింగిల్ అకౌంట్ అయితే రూ.4.5 లక్షలు, జాయింట్ అకౌంట్ అయితే రూ.9 లక్షలు డిపాజిట్ చేసుకోవచ్చు. ప్రస్తుతం ఈ స్కీమ్‌పై 6.6 శాతం వడ్డీ లభిస్తోంది. అంటే మీరు రూ.4.5 లక్షలు డిపాజిట్ చేస్తే.. మీకు ఏడాదికి రూ.29,700 లభిస్తాయి. అదే రూ.9 లక్షలు పెడితే రూ.59,400 వస్తాయి. అంటే నెలకు దాదాపు రూ.5 వేల వరకు వచ్చినట్లు అవుతుంది. ఈ స్కీమ్ మెచ్యూరిటీ కాలం ఐదేళ్లు. ముందుగానే డబ్బులు విత్‌డ్రా చేసుకోవడానికి వీలు ఉండదు. ఒకవేళ తీసుకోవాలని భావిస్తే.. చార్జీలు పడతాయి. డిపాజిట్ అమౌంట్‌లో 2 శాతం తీసుకుంటారు. 3 ఏళ్లలోపు ముందే తీసుకుంటే ఈ చార్జీలు వర్తిస్తాయి. తర్వాత అయితే 1 శాతం చార్జీ పడుతుంది.
|
|
