పాకిస్తాన్‌కు మరో ఎదురుదెబ్బ
sports | Suryaa Desk | Published : Sat, Aug 27, 2022, 01:53 PM
ప్రతిష్టాత్మక ఆసియా కప్ 2022 మెగా క్రికెట్ టోర్నీ ప్రారంభం కానున్న తరుణంలో.. ఇందులో భాగంగానే పటిష్టమైన భారత జట్టుతో తలపడేందుకు సిద్ధమవుతున్న పాకిస్థాన్ కు ప్రస్తుత పరిస్థితుల్లో మరో ఊహించని ఎదురుదెబ్బ తగిలింది. ఇది ఒక విధంగా జట్టు విజయావకాశాలను దెబ్బతీసింది. ఆసియా కప్‌లో భారత్‌పై ప్రతీకారం తీర్చుకోవాలని బాబర్ అజామ్ జట్టు ఎదురుచూస్తోంది, ఈ పరిణామం మనోస్థైర్యాన్ని దెబ్బతీస్తుంది. స్టార్ బౌలర్ మహ్మద్ వసీం జూనియర్ గాయపడ్డాడు. దీంతో అతను టోర్నీ నుంచి వైదొలిగాడు. ఇప్పటికే పాకిస్థాన్ బౌలింగ్ వెన్నెముక, ఫాస్ట్ బౌలర్ షాహీన్ షా ఆఫ్రిది గాయం కారణంగా ఆసియా కప్ 2022 టోర్నీకి దూరమైన సంగతి తెలిసిందే. ఈ టోర్నీ ఒక్కటే కాదు. దీని తర్వాత ఇంగ్లండ్‌లో పర్యటించనున్న పాకిస్థాన్ జట్టులో అఫ్రిదికి చోటు దక్కకపోవచ్చు. గాయం కారణంగా షాహీన్ షా అఫ్రిది కనీసం ఆరు వారాల పాటు జట్టుకు దూరం కానున్నాడు. అక్టోబరులో మళ్లీ జట్టులోకి వస్తాడని పీసీబీ చెబుతోంది.
|
|