రోడ్ ప్రమాదంలో ఒకరు మృతి, ఇద్దరికి గాయాలు
Andhra Pradesh Telugu | Suryaa Desk | Published : Thu, Dec 22, 2022, 11:20 AM
విజయనగరం జిల్లా, పరిధిలోని అంబటివలస గ్రామ సమీపాన జాతీయ రహదారిపై బుధవారం సాయంత్రం జరిగిన రోడ్డు ప్రమాదంలో ఒక వ్యక్తి అక్కడికక్కడే మృతిచెందగా.. ఇద్దరు తీవ్రంగా గాయపడ్డారు. ఎస్‌ఐ ఎస్‌.రవి తెలిపిన వివరాల మేరకు... ఇదే మండలం ముద్దూరు గ్రామానికి చెందిన మునకాల శివ(35) తన ద్విచక్ర వాహ నంపై విజయనగరం నుంచి స్వగ్రామం వస్తుండగా, గజపతినగరం వైపు నుంచి విజయనగరం వైపు వెళ్తున్న మ్యాజిక్‌ వాహనం బలంగా ఢీకొట్టింది. దీంతో శివ అక్కడికక్కడే మృతిచెందాడు. మరో ద్విచక్రవాహనంపై ఇదే గ్రామానికి చెందిన తండ్రీకొడుకులు బాలి గోవింద, త్రివిక్రమరావులను కూడా టాటా మ్యాజిక్‌ ఢీకొనడంతో వారు తీవ్రంగా గాయపడ్డారు. గాయపడిన వీరిని విజయనగరంలోని ఓ ప్రైవేట్‌ ఆసుపత్రికి తరలించారు. శివ మృతదేహాన్ని పోస్టుమార్టం నిమిత్తం గజపతినగరం ప్రభుత్వాసుపత్రికి తరలించారు. పోలీసులు కేసు నమోదుచేసి దర్యాప్తు చేస్తున్నారు. కాగా శివకి భార్య నారాయణమ్మ, ఇద్దరు పిల్లలు ఉన్నారు.
|
|