అక్రమ మద్యం స్వాధీనం, వ్యక్తి అరెస్ట్
Andhra Pradesh Telugu | Suryaa Desk | Published : Mon, Apr 03, 2023, 01:37 PM
కడప జిల్లా, చెన్నూరు మండలంలోని ఉప్పరపల్లె పంచాయతీ పరిధిలోని హైవే రహదారి నుంచి అదే గ్రామానికి వెళుతున్న దారిలో నూతనంగా నిర్మించే బ్రిడ్జి వద్ద 104 మద్యం బాటిళ్లు స్వాధీనం చేసుకుని రామగిరిరెడ్డి అనే వ్యక్తిని అరెస్టు చేసినట్లు ఎస్ఐ శ్రీనివాసులరెడ్డి తెలిపారు. పక్కాగా అందిన సమాచారం మేరకు అక్రమంగా మద్యాన్ని విక్రయిస్తున్నారని అందిన సమాచారంతో ఉప్పరపల్లె వెళ్లే దారిలో తనిఖీలు చేపట్టగా రామగిరిరెడ్డి అనే వ్యక్తి మద్యాన్ని విక్రయిస్తుండగా పట్టుకున్నామని తెలిపారు. మద్యం అక్రమంగా తరలించినా, బెల్టుషాపులు ఏర్పాటు చేసి అమ్ముకున్నా నిబందనలకు విరుద్దంగా ఎక్కడ పడితే అక్కడ అమ్మినా నేరం కాబట్టి మద్యం అమ్ముకున్న వ్యక్తులను పట్టుకున్నామన్నారు. అలాగే మండలంలో ఎవరైనా ఇలాంటి చర్యలు చేస్తున్నా తమ దృష్టికి తీసుకువస్తే సమాజ శ్రేయస్సు కోసం ఇలాంటి పనులను అరికడతామన్నారు. హెడ్కానిస్టేబుల్ సుబ్బరాజు, నాగరాజు, రామిరెడ్డి తదితరులు పాల్గొన్నారు.
|
|