సుదీర్ఘ పోరాటానికి సిద్ధపడిన హమాస్ సంస్థ,,,,సొరంగాలతో ఇజ్రాయేల్ సైన్యాలను ముట్టించే ప్రయత్నం

గాజా స్ట్రిప్‌లో సుదీర్ఘమైన యుద్ధానికి హమాస్ సిద్ధమైంది. ఇజ్రాయేల్ కాల్పుల విరమణకు అంగీకరించేలా చాలా కాలం పాటు పోరాటాన్ని సాగించగలమని హమాస్ విశ్వసిస్తున్నట్లు సంస్థ నాయకత్వానికి దగ్గరగా ఉన్న వర్గాలు తెలిపాయి. గాజాను పాలించే హమాస్.. ఆయుధాలు, క్షిపణులు, ఆహారం, వైద్య సామాగ్రిని నిల్వ చేసిందని, సున్నితత్వం కారణంగా తమ పేరు చెప్పడానికి నిరాకరించిన వ్యక్తులు పేర్కొన్నారు. గాజా కింద సొరంగాలలో నెలల తరబడి వేలాది మంది యోధులు జీవించగలరని, గెరిల్లా వ్యూహాలతో ఇజ్రాయేల్ దళాలను నిరాశపరుస్తారని మిలిటెంట్ సంస్థ నమ్మకంగా ఉందన్నారు. చివరిగా యుద్ధాన్ని ముగించాలని అంతర్జాతీయంగా ఒత్తిడి, పౌరుల ప్రాణనష్టం పెరుగుతోంది. ఈ నేపథ్యంలో కాల్పుల విరమణ, చర్చలకు ఇజ్రాయేల్‌ను బలవంతం చేయగలదని, బందీలకు బదులుగా వేలాది మంది పాలస్తీనా ఖైదీలను విడుదల చేయడం వంటి స్పష్టమైన డిమాండ్ ముందుంచాలని హమాస్ విశ్వసిస్తోందని ఆ వర్గాలు తెలిపాయి.

బందీలకు బదులుగా అటువంటి ఖైదీలను విడుదల చేయాల పరోక్షంగా ఖతార్ మధ్యవర్తిత్వం వహిస్తోన్న అమెరికా, ఇజ్రాయేల్‌లతో చర్చల్లో హమాస్ స్పష్టం చేసినట్టు తెలుస్తోంది. గాజాపై ఇజ్రాయేల్ 17 ఏళ్ల సుదీర్ఘ దిగ్బంధనాన్ని ముగించాలని, అలాగే ఇజ్రాయేల్ సెటిల్మెంట్ విస్తరణను నిలిపివేయాలని హమాస్ కోరుకుంటోంది. జెరూసలెంలోని ముస్లింలకు అత్యంత పవిత్రమైన మసీదు అల్-అక్సా వద్ద ఇజ్రాయేల్ భద్రతా దళాలు దుశ్చర్యలను పాలస్తీనియన్లు గమనిస్తున్నారని పేర్కొంది. మరోవైపు, గాజాలో మానవతావాద కాల్పుల విరమణకు ఐక్యరాజ్యసమితి నిపుణులు గురువారం పిలుపునిచ్చారు. మారణహోమంతో పాలస్తీనియన్లు తీవ్ర ప్రమాదంలో ఉన్నారని ఆవేదన వ్యక్తం చేశారు. మరోవైపు, హమాస్‌ను నాశనం చేసే లక్ష్యం అంత తేలిక కాదని జోర్డాన్ మాజీ విదేశాంగ మంత్రి, డిప్యూటీ ప్రధాన మంత్రి మార్వాన్ అల్-ముషర్ అన్నారు. ‘ఈ వివాదానికి సైనికంగా పరిష్కారం లేదు. మనం చీకటి కాలంలో ఉన్నాం... ఈ యుద్ధం చిన్నది కాదు’ అని ఆయన పేర్కొన్నారు. గాజాపై ఇజ్రాయేల్ దాడుల్లో ఇప్పటి వరకూ మృతుల సంఖ్య 9 వేలు దాటగా.. లక్షల మంది తాగడానికి నీరు, తినడానికి తిండిలేక ఆకలి దప్పులతో అలమటిస్తున్నారు. ప్రపంచవ్యాప్తంగా దీనిపై తీవ్ర నిరసన వ్యక్తమవుతోంది.

హమాస్‌పై అధ్యయనం చేసిన ఖతార్ యూనివర్సిటీ అంతర్జాతీయ వ్యవహారాల పాలస్తీనా నిపుణుడు అదీబ్ జియాదేహ్ మాట్లాడుతూ.. ఇజ్రాయేల్‌పై ఎదురు దాడిని అనుసరించడానికి సమూహం దీర్ఘకాలిక ప్రణాళికను కలిగి ఉండాలని అన్నారు. ‘అక్టోబర్ 7 దాడిని దాని స్థాయి నైపుణ్యం, ఈ స్థాయి నైపుణ్యం, ఖచ్చితత్వం, తీవ్రతతో నిర్వహించిన వారు దీర్ఘకాలిక యుద్ధానికి సిద్ధమయ్యారు. పూర్తిగా సన్నద్ధం కాకుండా హమాస్ అటువంటి దాడికి పాల్గొనడం సాధ్యం కాదు. ఫలితం కోసం సమీకరించింది’ అని జియాదే రాయిటర్స్‌తో అన్నారు. గాజాలో వీధి పోరాటంలో ఇజ్రాయేల్ బలగాలను దెబ్బతీయడానికి హమాస్ ప్రయత్నిస్తుందని, వివాదానికి ప్రజల మద్దతు కోసం తగినంత భారీగా సైన్యాలను పోగొట్టుకునే అవకాశం ఉందని అమెరికా భావిస్తున్నట్టు వైట్ హౌస్ ఉద్దేశం గురించి తెలిసిన విశ్వసనీయ వర్గాలు తెలిపాయి. విశ్వసనీయ మూలాల ప్రకారం.. హమాస్ వద్ద దాదాపు 40,000 మంది యోధులు ఉన్నారు. అనేక సంవత్సరాలుగా నిర్మించిన వందల కిలోమీటర్ల పొడవు, 80 మీటర్ల లోతు వరకు ఉన్న కోట మాదిరి విస్తారమైన సొరంగాలను ఉపయోగించి వారు ఎన్‌క్లేవ్ చుట్టూ తిరగవచ్చు. స్థానికులు, వీడియోల ప్రకారం.. గురువారం గాజాలోని హమాస్ కార్యకర్తలు ట్యాంకుల వద్ద కాల్పులు జరిపేందుకు సొరంగాల నుంచి బయటకు రావడం కనిపించింది.