భారత పర్యటనకు వచ్చిన స్పానిష్ మహిళపై 10 మంది గ్యాంగ్‌రేప్.. భర్త ఉండగానే దారుణం

జార్ఖండ్‌లో దారుణం చోటు చేసుకుంది. స్పెయిన్ దేశం నుంచి భారత పర్యటనకు వచ్చిన మహిళపై 10 మంది దుండగులు అర్ధరాత్రి అఘాయిత్యానికి పాల్పడ్డారు. మహిళ భర్త ఉండగానే.. అతని కళ్ల ముందే ఆమెపై గ్యాంగ్‌రేప్‌కు పాల్పడ్డారు. ఈ ఘటనలో బాధితురాలు తీవ్రంగా గాయపడింది. ఈ ఘటన తర్వాత బాధిత మహిళ భర్తతో కలిసి పోలీస్ స్టే్షన్‌కు వెళ్లి ఫిర్యాదు చేసింది. ఆ తర్వాత జరిగిన ఘటనపై భార్యాభర్తలు ఇద్దరు ఓ వీడియోను కూడా విడుదల చేశారు. ఈ ఘటనను సీరియస్‌గా తీసుకున్న జార్ఖండ్ ప్రభుత్వం.. స్పెషల్ ఇన్వెస్టిగేషన్‌ టీమ్‌-సిట్‌ను ఏర్పాటు చేసి దర్యాప్తు చేపట్టింది. ఈ ఘటనలో ఇప్పటివరకు ముగ్గురిని అదుపులోకి తీసుకున్న పోలీసులు.. దర్యాప్తును ముమ్మరం చేశారు.

స్పెయిన్‌కు చెందిన భార్యాభర్తలు.. విదేశాల్లో పర్యటిస్తున్నారు. ఈ సందర్భంగానే జార్ఖండ్‌లోని దుమ్కాకు శుక్రవారం చేరుకున్నారు. అక్కడ బైక్‌పై పర్యటిస్తున్న వారిద్దరు.. చీకటి కావడంతో కుంజి గ్రామం సమీపంలో ఎవరూ లేని ప్రాంతంలో టెంట్ వేసుకుని నిద్రించారు. అది గమనించిన కొందరు దుండగులు ఆ స్పెయిన్ మహిళపై సామూహిక అత్యాచారానికి పాల్పడాలని నిర్ణయించుకున్నారు. శుక్రవారం అర్ధరాత్రి ఆ టెంట్‌లోకి దూరి ఆ విదేశీ మహిళపై గ్యాంగ్‌రేప్‌కు పాల్పడ్డారు. ఆమె భర్త ఉండగానే ఈ దుర్మార్గానికి ఒడిగట్టారు. చుట్టుపక్కల జనాలు లేకపోవడంతో సహాయం కోసం ఎంత అరిచినా ఉపయోగం లేకుండా పోయింది.

ఆ తర్వాత వారిద్దరూ దగ్గర్లోని పోలీస్ స్టేషన్‌కు వెళ్లి జరిగిన ఘటన గురించి వివరించి కేసు నమోదు చేశారు. ఈ ఘటనను సీరియస్‌గా తీసుకున్న చంపై సోరెన్ ప్రభుత్వం.. స్పెషల్ ఇన్వెస్టిగేషన్ టీమ్‌-సిట్‌ను ఏర్పాటు చేసింది. ఈ ఘటనలో ఇప్పటికే ముగ్గురు నిందితులను పోలీసులు అదుపులోకి తీసుకున్నారు. నిందితులను అదుపులోకి తీసుకుని ప్రశ్నిస్తున్నట్లు దుమ్కా ఎస్పీ వెల్లడించారు. ఈ ఘటన తర్వాత బాధితురాలు సోషల్ మీడియా వేదిగా తన ఆవేదనను వెల్లబోసుకుంది.

విదేశీ పర్యటనలో భాగంగా టూరిస్ట్ వీసా మీద భారత్‌కు వచ్చిన స్పానిష్‌ జంట.. మోటార్‌ బైక్‌పై దుమ్కాలో పర్యటిస్తూ పలు ప్రదేశాలను సందర్శిస్తున్న సమయంలో ఈ సంఘటన చోటు చేసుకుంది. రేప్‌కు గురైన తర్వాత ఆ మహిళను పోలీసులు ఆస్పత్రిలో చేర్చించారు. ప్రస్తుతం ఆమెకు చికిత్స కొనసాగుతోంది. ఆసియా ఖండం మొత్తం పర్యటించాలని నిర్ణయించుకున్న ఆ జంట తొలుత పాకిస్తాన్‌, బంగ్లాదేశ్‌లలో పర్యటిస్తున్నారు. ఆ తర్వాత జార్ఖండ్‌కు రాగా.. ఇక్కడ ఆ మహిళపై దారుణానికి ఒడిగట్టారు. భారత్ తర్వాత వారు నేపాల్‌ వెళ్లాలని నిర్ణయించుకోగా.. ఇంతలోనే ఈ దారుణం జరిగింది.