పదవి విరమణ చేసిన ఏసీబీ కోర్టు న్యాయాధికారి
Andhra Pradesh Telugu | Suryaa Desk | Published : Thu, May 30, 2024, 07:58 PM
ఏసీబీ కోర్టు న్యాయాధికారి సునీత ఈ నెల 31న పదవీ విరమణ చేయనున్నందున బుధవారం ఘనంగా వీడ్కోలు పలికారు. న్యాయమూర్తులందరూ గురువారం నుంచి సెలవుల్లో వెళ్తున్నందుకు బుధవారం ఈ వీడ్కోలు కార్యక్రమాన్ని ఏర్పాటు చేశారు. కర్నూలు జిల్లా ప్రధాన న్యాయాధికారి ఎన్‌.శ్రీనివాసరావు ఆధ్వర్యంలో పలువురు న్యాయాధికారులు, న్యాయశాఖ సిబ్బంది పాల్గొని జడ్జిని ఘనంగా సన్మానించారు. పదవి విరమణ చేయనున్న న్యాయ శాఖ ఉద్యోగులు నరసింహారావు, సి.నరసింహులను కూడా ఈ సందర్భంగా ఘనంగా సన్మానించారు. మొదటి అదనపు జిల్లా జడ్జి ఏ. శ్రీనివాస కుమార్‌ కూడా ఈ నెల 31న పదవి విరమణ చేయనున్నారు. ఈకార్యక్రమంలో జిల్లా కోర్టు హాలులో జరిగిన ఈ కార్యక్రమానికి అదనపు జిల్లా న్యాయాధికారులు ప్రతిభాదేవి, జి.భూపా ల్‌రెడ్డి, పి.పాండురంగారెడ్డి, సబ్‌ జడ్జ్జిలు దివాకర్‌, జ్యోత్స్నా దేవి, పలువురు న్యాయశాఖ ఉద్యోగులు పాల్గొన్నారు.
|
|