ట్రెండింగ్
జగన్ మాట్లాడే అవకాశం ఇవ్వడంలేదు: కోడెల
Andhra Pradesh Telugu | Suryaa Desk | Published : Wed, Jan 30, 2019, 01:34 AM
ఈ సారి కూడా ప్రతిపక్ష నేత వైఎస్ జగన్ను అసెంబ్లీ సమావేశాలకు ఆహ్వానిస్తానని ఏపీ స్పీకర్ కోడెల శివప్రసాదరావు తెలిపారు. అయితే మాట్లాడేందుకు జగన్ తనకు అవకాశం ఇవ్వడంలేదని ఆయన చెప్పారు. ప్రతిపక్షం లేదనే అసంతృప్తి సభాపతిగా తనకు ఉంటుందని ఆయన వెల్లడించారు. వైకాపా ఎందుకు అసెంబ్లీకి రావడంలేదో తనకు తెలియదన్నారు. ఇరుపక్షాలు ఉంటే సభాపతికి సవాల్గా ఉంటుందన్నారు. అటువంటప్పుడు నిబంధనల ప్రకారమే నిర్ణయం తీసుకోవాల్సి ఉంటుందన్నారు. కేంద్రం ఓటాన్ అకౌంట్కు బదులు పూర్తిస్థాయి బడ్జెట్ను ప్రవేశపెట్టే అవకాశం ఉన్నట్లు సమాచారం ఉందని తెలిపారు. అలా చేయడం పూర్తిగా అనైతికం, రాజ్యాంగ విరుద్ధమన్నారు. రాష్ట్ర ప్రభుత్వం పూర్తిస్థాయి బడ్జెట్ ప్రవేశపెట్టదని తాను నమ్ముతున్నట్లు వెల్లడించారు.
|
|