అరుణాచలం బడ్జెట్ ఫ్రెండ్లీ ట్రిప్

 శివుని అనుగ్రహం పొందాలనుకునేవారు కచ్చితంగా అరుణాచలం క్షేత్రానికి వెళ్లాలనుకుంటారు. అరుణాచలం ప్రవేశాన్ని కచ్చితంగా నిర్వార్తించాల్సిన పనుల్లో ఒకటిగా భావిస్తారు.అయితే మీరు కూడా వారిలో ఒకరా? అయితే మీరు వైజాగ్ నుంచి అరుణాచలం బడ్జెట్​లో ఎలా వెళ్లొచ్చో.. హైదరాబాద్​ నుంచి అయితే తక్కువ ఖర్చుతో ఎలా వెళ్లొచ్చో.. బడ్జెట్ ఫ్రెండ్లీ అరుణాచలం ట్రిప్​ గురించి ఇప్పుడు తెలుసుకుందాం.అరుణాచలం అన్నా.. తిరువన్నమలై అన్నా ఒకటే. ఈ విషయంలో చాలామంది కన్​ఫ్యూజ్ అవుతుంటారు. కాబట్టి అరుణాచలం వెళ్లాలనుకునే ప్రతి ఒక్కరూ ఈ విషయాన్ని గుర్తించుకోవాలి.వైజాగ్ నుంచి కట్​పాడి జంక్షన్​ కు ట్రైన్ టికెట్ రూ. 500 ఉంటుంది. స్లీపర్ క్లాస్ టికెట్ బుక్ చేసుకోవాలి. ఈ జర్నీకి 16 గంటలు సమయం పడుతుంది. ఈ రైల్వే స్టేషన్​ నుంచి ముందుకు వెళ్తే బస్​ స్టాప్ ఉంటుంది. అక్కడ మీరు వెళ్లూరు న్యూ బస్​ స్టాండ్​కి వెళ్లాలి. ఆ బస్ టికెట్ ధర రూ. 10 నుంచి రూ. 20 మధ్యలో ఉంటుంది. వేళ్లూరు నుంచి అరుణాచలంకి బస్ టికెట్ తీసుకోవాలి. దీని ధర రూ.70 నుంచి రూ.150 ఉంటుంది. మీరు తీసుకునే బస్​ని బట్టి ఈ ధర మారుతుంది. జర్నీ టైమ్ రెండున్నర గంటలు ఉంటుంది. అరుణాచలం బస్​ స్టాప్​ నుంచి నేరుగా నడిచి వెళ్తే టెంపుల్ వస్తుంది. నడవలేను అనుకునేవాళ్లు ఆటోకి వెళ్లొచ్చు. దీని ధర రూ.30 నుంచి రూ.100 ఉంటుంది.

హైదరాబాద్ నుంచి తిరువన్నమలై.. ప్రతి శుక్రవారం స్పెషల్ ట్రైన్ ఉంటుంది. వీకెండ్​లో అరుణాచలం ప్లాన్ చేసుకునేవారికి ఇది మంచి ఆప్షన్ అవుతుంది. స్లీపర్ క్లాస్ టికెట్ రూ.450. రిటర్న్ అవ్వాలనుకుంటే ఆదివారం ట్రైన్ ఉంటుంది.

స్టేయింగ్ అండ్ ఫుడ్అ
రుణాచలంలో స్టేయింగ్​కి చాలా ఆప్షన్స్ ఉంటాయి. కానీ వాటి ధర కూడా ఎక్కువగానే ఉంటుంది. కాబట్టి మీరు ఎక్కడ స్టే చేయాలనుకునేది కాస్త ఆలోచించుకోవాలి. సోలో ట్రావెల్ చేసేవారికి లేదా గ్రూప్​గా ట్రావెల్ చేసేవారికి.. తక్కువలో స్టే చేయాలనుకుంటే.. రాజగోపురం నుంచి.. మూడు వందల మీటర్లు ముందుకు వస్తే అరుణాచలం సేవామదం ఉంటుంది. దీని ధర రూ. 100. వీళ్లు మీకు ఓ లాకర్ ఇస్తారు. అక్కడ ఫ్రెష్ అయిపోవచ్చు కూడా. అరుణాచలంలో మంచి ఫుడ్ దొరుకుతుంది. ఫుడ్ ధర రూ. 100 నుంచి రూ.160 ఉంటుంది. అచ్చమైన తెలుగు భోజనాన్ని తినవచ్చు.

దర్శనం & గిరి ప్రదిక్షణ
స్వామివారి దర్శనం చేసుకున్న తర్వాత గిరి ప్రదిక్షణ చేయవచ్చు. ఉదయం 5 గంటల నుంచి మధ్యాహ్నం 12.30వరకు మధ్యాహ్నం 3.30 నుంచి రాత్రి 9.30 వరకు స్వామివారి దర్శనం చేసుకోవచ్చు. అనంతరం గిరిప్రదిక్షణ చేయవచ్చు. దీనికి నడిచే సామర్థ్యం బట్టి సమయం పడుతుంది. కొందరికి 4 నుంచి 6 గంటలు సమయం పడుతుంది. మరికొందరు 3 గంటల్లో కూడా కంప్లీట్ చేస్తారు. కాబట్టి మీ వాకింగ్ సామర్థ్యాన్ని, టైమ్​ని దృష్టిలో ఉంచుకుని గిరి ప్రదిక్షణ చేయవచ్చు. నడవలేను అనుకునేవారు ఆటోకి వెళ్లొచ్చు. వాళ్లు 9 టెంపుల్స్​ దగ్గరకి మిమ్మల్ని తీసుకువెళ్తారు.మీరు హైదరాబాద్ నుంచి వెళ్లినా.. వైజాగ్ నుంచి అరుణాచలం వెళ్లినా.. ఎలా వెళ్లారో అలాగే రిటర్న్ అయిపోవచ్చు. బస్, ఆటో, రైల్ ఇలా మీరు వెళ్లిన రూట్​లోనే రిటర్న్ అయిపోవచ్చు. మరి మీరు కూడా అరుణాచలం క్షేత్రాన్ని సందర్శించాలనుకుంటే.. ఈ బడ్జెట్​ని, టైమ్​ని సెట్ చేసుకుని వెళ్లిపోండి.