ప్రైవసీ ఇవ్వండంటూ,,,సౌతాఫ్రికా మాజీ ఆటగాడు జేపీ డుమిని పోస్ట్!
sports | Suryaa Desk | Published : Mon, Feb 17, 2025, 11:56 PM
సౌతాఫ్రికా మాజీ ఆటగాడు జేపీ డుమిని తన భార్యతో విడాకులు తీసుకున్నట్లు ప్రకటించాడు. పదమూడేళ్ల సంసార బంధానికి వీడ్కోలు పలుకుతున్నట్లు సోషల్ మీడియాలో పోస్ట్ చేశాడు. కొంతకాలంగా డుమిని, అతని భార్య స్యూ దూరంగా ఉంటూ వస్తున్నారు. రిలేషన్షిప్కి ఎండ్ చెప్పబోతున్నారని అప్పట్లో వార్తలు కూడా వచ్చాయి. వాటికి ఇప్పుడు క్లారిటీ ఇచ్చారు.
జేపీ డుమిని, స్యూ 2011 జూన్ 25న వివాహం చేసుకున్నారు. 13 ఏళ్ల వివాహ బంధానికి గుర్తుగా ఇద్దరు ఆడ పిల్లలు ఉన్నారు. గతేడాది నవంబర్ నుంచి డుమిని, స్యూ విడిపోతున్నారనే వార్తలు నెట్టింట వినిపించాయి. దానికి తగ్గట్టే ఇద్దరూ ఒకరికొకరు ఇన్స్టాగ్రామ్లో అన్ఫాలో కూడా చేసుకున్నారు.
"మేం అన్నీ ఆలోచించాకే విడిపోవాలని నిర్ణయించుకున్నాం. మా ఇన్నేళ్ల బంధంలో ఎన్నో మరపురాని క్షణాలున్నాయి. మా బంధానికి గుర్తుగా ఇద్దరు కుమార్తెలు కూడా జన్మించారు. కొన్ని కారణాలతో తీసుకున్న ఈ నిర్ణయాన్ని ప్రతి ఒక్కరూ గౌరవిస్తానని ఆశిస్తున్నాం, మా ప్రైవసీకి భంగం కలిగించొద్దు. భార్యభర్తలుగా విడిపోయినా స్నేహితులుగా కలిసుంటాం. మా ఇద్దరికి సపోర్ట్ ఇచ్చిన ప్రతి ఒక్కరికీ థాంక్స్" అంటూ పోస్ట్ చేశాడు.
జేపీ డుమిని సౌతాఫ్రికా తరఫున చాలా కాలం క్రికెట్ ఆడాడు. 2014-19 మధ్యకాలంలో 46 టెస్టులు, 199 వన్డేలు, 81 టీ20లు ఆడి 9,154 పరుగులు చేశాడు. సౌతాఫ్రికాకి కోచ్గా కూడా చేశాడు. ఆయన నేతృత్వంలోనే సౌతాఫ్రికా టీ20 వరల్డ్కప్-2024 ఫైనల్కి కూడా చేరింది. ఇటీవలే కోచ్ పదవికి కూడా రాజీనామా చేశాడు.
|
|