జర్నలిస్టుల ముసుగులో పాక్ గూఢచారులు!
international | Suryaa Desk | Published : Fri, May 30, 2025, 02:07 PM
సీఆర్పీఎఫ్ అధికారిని టార్గెట్ చేసిన పాక్ గూఢచారులు జర్నలిస్టుల వేషంలో భారత భద్రతా వ్యవస్థను గడగడలాడించాయి. ఇటీవల ఢిల్లీలో అరెస్టయిన సీఆర్పీఎఫ్ ఏఎస్ఐ మోతీరామ్ను అధికారులు విచారించగా సంచలన విషయాలు వెలుగులోకి వచ్చాయి.
వివరాల ప్రకారం, ఛండీగఢ్కు చెందిన ఓ న్యూస్ ఛానెల్కు రిపోర్టర్లమని పరిచయం చేసుకున్న మహిళ, ఆమెతో పాటు ఉన్న వ్యక్తి పాకిస్థాన్కు చెందిన ఇంటెలిజెన్స్ అధికారులు అని మోతీరామ్ విచారణలో తెలిపాడు. పహల్గామ్ ఉగ్రదాడి అనంతరం, భారత్ గూఢచార సంస్థల పనితీరు, సీఆర్పీఎఫ్ బలగాల కదలికలు, ఉగ్రవాద అనుమానిత ప్రాంతాల వివరాలు సేకరించేందుకు ఈ కుట్ర నడిపినట్టు తెలుస్తోంది.
ఈ సంఘటనతో భద్రతా సంస్థలు అప్రమత్తమయ్యాయి. పాక్ ఐఎస్ఐ తరఫున ఇలాంటి మాయగాళ్లతో సమాచారాన్ని లాగేందుకు చేస్తున్న ప్రయత్నాలు భారత భద్రతా వ్యవస్థకు గట్టి హెచ్చరికగా నిలుస్తున్నాయి. జర్నలిస్టుల ముసుగులో గూఢచారుల కల్లోలం ఇప్పటికే పలుచోట్ల నమోదవుతుండటంతో, భద్రతా వ్యవస్థ మరింత కఠినంగా స్పందించనుంది.
|
|