ట్రెండింగ్
పాకిస్థాన్ ఆరోపణలని ఖండించిన భారత ప్రభుత్వం
international | Suryaa Desk | Published : Sun, Jun 29, 2025, 02:06 PM
తమ సైనికులపై జరిగిన ఆత్మాహుతి దాడి వెనుక భారత్ హస్తం ఉందంటూ పాకిస్థాన్ చేసిన నిరాధార ఆరోపణలను భారత ప్రభుత్వం తీవ్రంగా ఖండించింది. నిరాధార ఆరోపణలంటూ విదేశాంగ శాఖ స్పష్టం చేసింది. పాక్ సైన్యం చేసిన ఈ ప్రకటనను ఏమాత్రం పట్టించుకోవాల్సిన అవసరం లేదని తేల్చి చెప్పింది.పాకిస్థాన్లోని వజీరిస్థాన్లో తమ సైనిక కాన్వాయ్పై శనివారం జరిగిన దాడికి భారతే కారణమంటూ పాక్ సైన్యం అధికారికంగా ఆరోపణలు చేసింది. ఈ నేపథ్యంలో భారత విదేశాంగ శాఖ అధికార ప్రతినిధి రణధీర్ జైస్వాల్ ఆదివారం స్పందించారు. "వజీరిస్థాన్ దాడి విషయంలో భారత్ను నిందిస్తూ పాకిస్థాన్ సైన్యం చేసిన ప్రకటనను చూశాం. ఆ ఆరోపణలను మేం తీవ్రంగా ఖండిస్తున్నాం" అని ఆయన ‘ఎక్స్’ (ట్విట్టర్) వేదికగా ఒక ప్రకటన విడుదల చేశారు.
|
|