"బంగారం ధరలు ఆకాశాన్ని తాకనున్నాయా? ఆర్థిక నిపుణుల షాకింగ్ విశ్లేషణ!"

బంగారం, వెండి ధరలు ఇటీవల ఊహించని వేగంతో ఎగబాకుతున్నాయి. రోజురోజుకీ వేలకు వేలు పెరుగుతూ సాధారణ ప్రజల్లో ఆందోళన రేపుతున్నాయి. ఫలితంగా సగటు వ్యక్తికి ఆభరణాలు లేదా బంగారం, వెండితో చేసిన వస్తువులు కొనడం మరింత కష్టంగా మారింది.ధరల ఈ పెరుగుదల పెట్టుబడిదారులలో కూడా ఆందోళనను కలిగిస్తోంది. ఈ నేపథ్యంలో ప్రముఖ ఆర్థికవేత్త బంగారం గురించి కీలక హెచ్చరిక జారీ చేశారు. బంగారం మార్కెట్‌పై ఒక పెద్ద ప్రమాదం మబ్బులా కమ్ముకుంటుందని ఆయన సూచించారు.యూరో పసిఫిక్ అసెట్ మేనేజ్‌మెంట్ చీఫ్ ఎకనామిస్ట్ మరియు గ్లోబల్ స్ట్రాటజిస్ట్ పీటర్ షిఫ్ మాట్లాడుతూ, “గత ఐదు సంవత్సరాల్లో ఒక్క వారంలో కూడా బంగారం ఇంత భారీగా పెరగడం చూడలేదు. ఇది అత్యంత తీవ్రమైన పరిస్థితి. ప్రస్తుతం బంగారం ధర ఔన్సుకు $4,370 వద్ద ఉంది, ఈ రాత్రికే $4,400 చేరే అవకాశం ఉంది. అంటే కేవలం ఒక వారంలోనే 10% పెరుగుదల నమోదవుతుంది. ఏదో పెద్దది జరగబోతోందని నేను భావిస్తున్నాను” అని ఆయన వ్యాఖ్యానించారు.శుక్రవారం బంగారం ధర ఔన్సుకు $4,300 మార్కును దాటింది. మార్చి 2020 తర్వాత అత్యధిక వారాంత లాభాలను నమోదు చేస్తూ రికార్డు స్థాయికి చేరుకుంది. 0233 GMT నాటికి స్పాట్ గోల్డ్ 0.3% పెరిగి ఔన్సుకు $4,336.18కి చేరుకుంది. ఇది గరిష్టంగా $4,378.69 స్థాయిని తాకింది. డిసెంబర్ డెలివరీ కోసం అమెరికా గోల్డ్ ఫ్యూచర్స్ 1% పెరిగి $4,348.70 వద్ద నిలిచాయి.ప్రపంచ ఆర్థిక అనిశ్చితి, సురక్షిత పెట్టుబడులపై పెరుగుతున్న ఆసక్తి కారణంగా ఈ వారం బంగారం ధరలు దాదాపు 8% మేర పెరిగాయి. అమెరికా-చైనా వాణిజ్య ఉద్రిక్తతలు, ప్రాంతీయ బ్యాంకుల అస్థిరత, ఫెడరల్ రిజర్వ్ వడ్డీ రేట్లు మరింత తగ్గవచ్చన్న అంచనాలు ఈ ర్యాలీకి దోహదపడ్డాయి.ఈ సంవత్సరం మొత్తం బంగారం ధర 65% వరకు పెరిగింది. అదే సమయంలో వెండి దాదాపు 70% రాబడి ఇచ్చింది. బంగారం పెరుగుదలతో పాటు వెండి కూడా రికార్డు స్థాయిలో $54.35కి చేరుకుంది. అయితే, తర్వాత 0.7% తగ్గి ఔన్సుకు $53.86 వద్ద ముగిసింది. ప్లాటినం 0.7% తగ్గి ఔన్సుకు $1,701కి, పల్లాడియం 0.4% తగ్గి $1,607.93 వద్ద నిలిచాయి.భారత మార్కెట్లోనూ బంగారం ధరలు ఎగబాకాయి. ఈరోజు MCXలో 10 గ్రాముల బంగారం రూ. 1,398 పెరిగి రూ. 1,31,250 వద్ద ట్రేడవుతోంది. వెండి కూడా స్వల్పంగా పెరిగి కిలోకు రూ. 1,67,677 వద్ద ఉంది.