భర్త బాగోతం బయటపెడుదామనుకున్న... భార్య అరెస్ట్..
national | Suryaa Desk | Published : Fri, Sep 27, 2019, 07:35 PM
కొన్ని నెలలుగా వేరే మహిళతో వివాహేతర సంబంధం పెట్టుకున్న భర్తను అడ్డంగా బుక్ చేద్దామనుకున్న భార్యకు ఊహించని షాక్ ఎదురైంది. ఈ విషయాన్ని ఆధారాలతో సహా కోర్టుకు చూపించాలనుకుంది భార్య. దీంతో భర్త ఉన్న బెడ్ రూమ్ లో సీసీ కెమెరా అమర్చింది. సరిగ్గా ప్రియురాలితో గడుపుతున్న దృశ్యాలను సేకరించింది. ఆ వీడియోలతో భర్తను కోర్టుకు ఊడ్చుదామనుకుంది. అయితే ఆమె ప్లాన్ అంతా రివర్స్ అయ్యింది. తన ప్రైవసీకి భంగం కలిగించారంటూ ప్రియుడి భార్యపై ఫిర్యాదు చేసింది ప్రియురాలు. దీంతో పోలీసులు ఆమెను అరెస్ట్ చేశారు. ఈ సంఘటన పూణేలో జరిగింది.
వివరాల్లోకి వెళితే... పూణేకు చెందిన ఓ మహిళ తన భర్త నుంచి విడాకులు కావాలని కోర్టుకెక్కింది. అయిత భర్త చేసిన తప్పులను ఆధారాలతో సహా చూపిస్తేనే విడాకులు ఇస్తామని తెలిపింది కోర్టు. దీంతో భార్య సీసీ కెమెరా స్కెచ్ వేసి బుక్కయ్యింది. ఇదే విషయంపై పోలీసులు మాట్లాడుతూ..సీసీ కెమెరా ద్వార సేకరించిన రాసలీలల వీడియోను భర్తకు పంపిన భార్య ..తనకు విడాకులతో సహా భారీగా డబ్బులు ఇవ్వాలని బ్లాక్ మెయిల్ చేసిందని తెలిపారు.
అంతేకాదు..భార్య తరుఫు లాయర్ కూడా ఆ వీడియోను ప్రియురాలికి పంపి డబ్బులు డిమాండ్ చేశాడు. దీంతో సీరియస్ అయిన ప్రియురాలు..తన ప్రియుడి భార్యపై పోలీసులకు ఫిర్యాదు చేయడంతో ఈ విషయం బయటపడిందని తెలిపారు.
|
|