ఏపీలోర‌హ‌దారుల నిర్మాణానికి స‌హ‌క‌రించాలి

కేంద్ర ఐ.టీ శాఖ ముఖ్య కార్యదర్శి అజయ్ సహానితో రాష్ట్ర ఐ.టీ మంత్రి మేకపాటి ఢిల్లీలో సమావేశమయ్యారు. ఈ ప్రొక్యుర్ మెంట్, ఈ – మార్కెట్ ప్లేస్, డేటా సెంటర్ల ఏర్పాటు, డేటా ప్రైవసీ, టెలికం మ్యానుఫాక్షరింగ్ వంటి అంశాలపై మంత్రి మేకపాటి చర్చించారు. ప్రపంచంలోని ప్రఖ్యాత ఐ.టీ కంపెనీలకు, టెలికమ్ కంపెనీలకు ఆంద్రప్రదేశ్ డేటా హబ్ గా నిలవాలని మంత్రి వెల్లడించారు. ప్రపంచవ్యాప్తంగా ఏపీ ప్లగ్ అండ్ ప్లే సెంటర్ గా మారాలన్నారు. ఆంధ్రప్రదేశ్ లో విశాఖ కేంద్రంగా ఐ.టీ అభివృద్ధి చేసి, టెక్నాలజీకి కేరాఫ్ అడ్రస్ గా నిలిపేందుకు అవసరమైన అంశాలపై కేంద్ర ఐ.టీ శాఖ ముఖ్య కార్యదర్శితో మంత్రి మేకపాటి చర్చలు జరిపారు. ఆంధ్రప్రదేశ్‌ రాష్ట్రంలోని సూక్ష్మ, చిన్న, మధ్య తరహా పరిశ్రమల అభివృద్ధికి నిధులందించాలంటూ కేంద్రమంత్రి నితిన్ గడ్కరీని కలిసి రాష్ట్ర పరిశ్రమల శాఖ మంత్రి మేకపాటి గౌతమ్ రెడ్డి కోరారు. ఏపీకి ప్రాజెక్టులు తీసుకురావడమే లక్ష్యంగా ఢిల్లీలో పర్యటించిన మంత్రి మేకపాటి రెండో రోజు పర్యటనలో భాగంగా కేంద్ర రోడ్డు, రవాణా, ఎంఎస్ఎంఈ శాఖ మంత్రి నితిన్ గడ్కరీని ఆయన నివాసంలో కలిశారు. చిన్న పరిశ్రమలకు కేంద్రం పెద్ద చేయూతనిస్తే చాలా మందికి ఉపాధికి అవకాశం ఉంటుందని విజ్ఞప్తి చేశారు. ఈ సందర్భంగా ..నిధులు, కొత్త ప్రాజెక్టుల ప్రతిపాదనలపై గడ్కరీకి ..మేకపాటి వినతి పత్రం అందజేశారు. అమరావతి నుంచి అనంతపురం రహదారికి నిధులు కేటాయించాలని కోరారు. ఆంధ్రప్రదేశ్ లోని రహదారుల విస్తరణ పనులకు, అధిక నిధులు అందించేందకు చొరవచూపాలని మంత్రి విన్నవించారు. రాష్ట్రంలోని ఓడరేవుల అభివృద్ధికి నిధులు మంజూరు చేసి ఆంధ్రప్రదేశ్ అభివృద్ధికి సహకారమందించాలన్నారు. నితిన్ గడ్కరీతో భేటీలో ఏపీలోని ఎంఎస్ఎంఈలకు మరినని ప్రోత్సాహకాలు ఇచ్చేందుకు చొరవ చూపాలన్నారు మంత్రి మేకపాటి గౌతమ్ రెడ్డి. కార్యక్రమంలో పరిశ్రమల శాఖ ముఖ్యకార్యదర్శి రజత్ భార్గవ పాల్గొన్నారు. రాష్ట్రానికి పెట్టుబడులు తీసుకురావడమే లక్ష్యంగా ఢిల్లీలో విస్తృతంగా పర్యటించిన పరిశ్రమల శాఖ మంత్రి మేకపాటి గౌతమ్ రెడ్డి పర్యటన ముగిసింది.