ట్రెండింగ్
తెలుగు రాష్ట్రాల ప్రజలకు జనసేనాని దీపావళి శుభాకాంక్షలు
Andhra Pradesh Telugu | Suryaa Desk | Published : Sat, Oct 26, 2019, 08:42 PM
జనసేన అధ్యక్షుడు పవన్ కళ్యాణ్ తెలుగు రాష్ట్రాల ప్రజలకు దీపావళి పండుగ సందర్భంగా శుభాకాంక్షలు తెలియజేశారు. దీపాన్ని పరబ్రహ్మ స్వరూపంగా, మనోవికాసానికి ప్రతీకగా భావిస్తామని, అటువంటి దీపాన్ని ఆరాధించే పండుగ దీపావళి అన్నారు. ఈ దీపావళి తెలంగాణ, ఆంధ్రప్రదేశ్ రాష్ట్రాల్లోని కార్మిక, కర్షక, రైతుల జీవితాల్లో వెలుగులు నింపాలని ఆకాంక్షించారు. వర్ష రుతువు కారణంగా వచ్చే క్రిమికీటకాలు అనారోగ్యాలకు కారణమవుతాయని, వాటిని పారద్రోలేందుకు దీపాలు వెలిగించడం, బాణసంచా కాల్చడం ఆరోగ్యంగా భావిస్తామని.. అదే సంప్రదాయంగా వస్తోందన్నారు. అయితే పర్యావరణానికి హాని చేయని మోతాదులోనే బాణసంచా కాల్చాలని పవన్ విజ్ఞప్తి చేశారు. ఈ దీపావళిని ఆరోగ్యంగా జరుపుకుందామని కోరారు. పండుగను పురస్కరించుకుని దేశప్రజలకు, తెలుగు వారందరికీ జనసేన పార్ట తరఫున శుభాకాంక్షలు తెలియజేశారు.
|
|