‘జైపూర్ బాంబు పేలుళ్ల నిందితులకు మరణశిక్ష
national | Suryaa Desk | Published : Fri, Dec 20, 2019, 09:54 PM
జైపూర్లో 2008వ సంవత్సరం జరిగిన వరుస బాంబు పేలుళ్లకు పాల్పడిన నలుగురు నిందితులకు రాజస్థాన్ కోర్టు మరణశిక్ష విధించింది. అలాగే మరో వ్యక్తిని నిర్దోషిగా ప్రకటించారు. పదేళ్ల క్రితం జరిగిన ఈ వరుస పేలుళ్లలో సుమారు 80 మందికి పైగా ప్రాణాలు కోల్పోగా.. దాదాపు170 మందికి పైగా గాతీవ్ర గాయాలపాలయారు. ఈ దారుణానికి పాల్పడిన మహ్మద్ సైఫ్, సర్వార్ ఆజ్మీ, సల్మాన్, సైఫూర్ రెహ్మాన్ లను దోషులుగా నిర్ధారించిన న్యాయస్థానం వారికి ఉరిశిక్ష విధించింది.అలాగే నిర్దోషిగా షాబాజ్ హుస్సేన్ ప్రకటించబడ్డాడు.
అంతే కాకుండా ఈ కేసులో అరెస్ట్ అయిన మరో ముగ్గురు నిందితులు ఢిల్లో లోని తీహార్ జైలులో ఉన్నారు. ఈ కుట్రకు సూత్రధారి ఉత్తరప్రదేశ్ లోని అజమ్ గఢ్ కు చెందిన మొహమ్మద్ అతిన్ ఢిల్లీ లో జరిగిన బాట్ల హౌస్ ఎన్కౌంటర్లో మరణించాడు. దోషులు నలుగురు ఉత్తర ప్రదేశ్ నివాసితులు. వారు అతిన్ సూచనల మేరకు పేలుడు పదార్థాలను కొనుగోలు చేసి నగరంలోని తొమ్మిది ప్రదేశాలలో పేలుళ్లు జరిపారు. ఈ పేలుళ్లు రాత్రి 7.20 నుంచి 7.45 మధ్య సంభవించాయి. ఈ పేలుళ్ల కారణంగా ప్రాణనష్టమే కాకుండ ఆస్తి నష్టం కూడా భారీగా వాటిల్లింది.
|
|