రాశి ఫలితాలు

రాశి-మేషం

రాబడి కొంత తగ్గి అప్పులు చేస్తారు. ఆర్థికాభివృద్ధిలో మీరు అనుకున్న లక్ష్యాలను చేరుకోవడానికి చేసే ప్రయత్నాలు ఫలిస్తాయి. చేపట్టిన పనులు విజయవంతంగా పూర్తి చేస్తారు. ఆర్థికంగా అనుకూలంగా ఉంటుంది. మొండి బకాయిలు వసూలవుతాయి.

రాశి-వృషభం

కొత్త నిర్ణయాలు వాయిదా వేసుకోవాలి. ఏమరుపాటుగా తీసుకునే నిర్ణయాల కారణంగా భవిష్యత్తులో ఇబ్బంది పడే అవకాశముంటుంది. మీ ప్రవర్తన కారణంగా అనుకోని సమస్యలు వచ్చే అవకాశముంటుంది. అలాగే మీరు తీసుకునే నిర్ణయాల విషయంలో కూడా జాగ్రత్త అవసరం.

రాశి-మిధునం

సినీ రాజకీయ రంగాల వారు నిదానం పాటించాలి. ఆరోగ్యం బాగుంటుంది. మానసికంగా ఉత్సాహంగా ఉంటారు. అనుకున్న పనులు తక్కువ శ్రమతో, స్నేహితుల సహాయంతో పూర్తి చేస్తారు. పెట్టుబడులు, వృత్తి, వ్యాపారాలు, ప్రయాణాలపై ఈ వారం దృష్టి పెడతారు.

రాశి-కర్కాటకం

సినీ, రాజకీయ రంగాల వారికి కొంత నిరుత్సాహకరంగా ఉంటుంది. మీరు ప్రారంభం చేసే పనుల్లో విజయం సాధిస్తారు. ఉద్యోగంలో ప్రగతి సాధిస్తారు. ఆటంకాలు తొలిగిపోతాయి. మీ జీవిత భాగస్వామి సహాయ, సహకారాలు అందుకుంటారు.

రాశి-సింహం

ఉన్నత విద్య, విదేశీ వ్యవహారాల్లో కొంత నిరుత్సాహం ఎదురవుతుంది. కొత్త వ్యక్తుల కారణంగా లేదా నూతన లావాదేవీల కారణంగా డబ్బు నష్టపోయే అవకాశముంటుంది. మీ శతృవుల మీద ఒక కన్నేసి ఉంచండి. వారి కారణంగా ఆర్థికంగా నష్టపోయే అవకాశముంటుంది.

రాశి-కన్య

వృత్తి, వ్యాపారాల్లో ఆశించిన ఫలితాలు సాధనకు అధికంగా శ్రమించాలి. శ్వాస సంబంధ సమస్యలు కానీ, జీర్ణకోశ సంబంధ సమస్యలు కానీ వచ్చే అవకాశముంటుంది. అలాగే కీళ్లు, ఎముకలకు సంబంధించిన సమస్యలు తలెత్తవచ్చు. ఆరోగ్యం విషయంలో జాగ్రత్త అవసరం. కొత్త పనులకు అనుకూలమైన రోజు కాదు.

రాశి-తుల

మెడికల్‌ క్లెయిములు పరిష్కారం అవుతాయి. రోజంతా ఆనందంగా ఉంటారు. కుటుంబంలో సమస్యలు తగ్గుతాయి. కుటుంబంతో ఎక్కువ సమయం గడుపుతారు. కొత్త పనులు చేపట్టడానికి అనుకూల సమయం. ఆర్థికంగా అనుకూలంగా ఉంటుం ది. పెట్టుబడులకు సామాన్య దినం.

రాశి-వృశ్చికం

బీమా, గ్రాట్యుటీ, పెన్షన్‌ వ్యవహారాల్లో ఆటంకాలు ఎదురవుతాయి. భూ సంబంధ లేదా గృహ సంబంధ లావాదేవీలు పూర్తి చేస్తారు. వినోద కార్యక్రమాలకు ఎక్కువ సమయం కేటాయిస్తారు. కుటుంబ సభ్యులతో ఆనందంగా గడుపుతారు. చిరకాల మిత్రులను కలుస్తారు.

రాశి-ధనస్సు

వృత్తి, వ్యాపారాల్లో ఆచితూచి వ్యవహరించాలి. ఉత్సాహానికి పోయి మీకు సంబంధించిన విషయాల్లో జోక్యం చేసుకోకండి. పెట్టుబడుల విషయంలో కూడా జాగ్రత్త అవసరం. ఆరోగ్య విషయంలో కొంత జాగ్రత్త అవసరం. చేతులు, కాళ్లకు సంబంధించిన ఆరోగ్యసమస్యలతో బాధ పడే అవకాశమున్నది.

రాశి-మకరం

దూరప్రయాణాలకు అవసరమైన నిధులు సర్దుబాటు కావడంలో జాప్యం జరిగే అవకాశం ఉంది. మానసికంగా దృఢంగా ఉండటానికి ప్రయత్నం చేయండి. అలాగే ఆవేశానికి లోనవకుండా ఉండటం మంచిది. గృహ, విద్యా సంబంధ వ్యవహారాలకు అనుకూల దినం. ఎక్కువ సమయం విశ్రాంతికి, వినోదానికి కేటాయించడం మంచిది.

రాశి-కుంభం

షేర్‌మార్కెట్‌ వ్యవ హారాల్లో ఆచితూచి వ్యవహరించాలి. చేపట్టిన పనుల్లో విజయం సాధిస్తారు. మీరు సాధించిన విజయాల కారణంగా సమాజంలో మంచి గుర్తింపు లభిస్తుంది. సంఘంలో ప్రముఖులను కలుసుకుంటారు. నూతన పరిచయాలు, స్నేహాలు ఏర్పడతాయి.

రాశి-మీనం

బీమా, పెన్షన్‌, పన్నుల లావాదేవీలకు అనుకూలం. నేత్ర సంబంధ అనారోగ్యం కానీ, మానసిక ఆందోళన కానీ ఉంటుంది. ఎక్కువ ఆహారం తీసుకోవడం మంచిది కాదు. మానసికంగా ఒంటరితనాన్ని అనుభవిస్తారు. సృజనాత్మకంగా వ్యవహరించి వృత్తి, వ్యాపారాల్లో లక్ష్యాలు సాధిస్తారు.