లాంగ్ డ్రైవ్ కు సరైన బండి కవాసాకి వల్కాన్ ఎస్ లాంచ్..

బైక్ అంటే యువతలో ఎంతో క్రేజ్. అందులోనూ స్టైలిష్ లుక్ తో ఉండి రయ్యమంటూ దూసుకెళ్లే స్పోర్ట్స్ బైక్స్ అంటే పడిచచ్చిపోతారు. అంతేకాకుండా సుదూర ప్రయాణాలు అంటే లాంగ్ డ్రైవ్ లను ఇష్టపడేవాళ్లకు మార్కెట్లో సరికొత్త మోటార్ సైకిళ్లు అందుబాటులో ఉన్నాయి. ఇలాంటి బైక్స్ ను విడుదల చేయడంలో ముందువరుసలో ఉన్న కంపెనీ కవాసాకి. తాజాగా ఈ సంస్థ సరికొత్త మోటార్ సైకిల్ లాంచ్ అయింది. అదే కవాసాకి వల్కాన్ ఎస్. బీఎస్6 ప్రమాణాలకు అనుగుణంగా మార్పులు చేసిన ఈ మోటార్ సైకిల్ ఆకట్టుకుంటోంది. ఎక్స్ షోరూంలో ఈ 2021 వల్కాన్ ప్రారంభ ధర వచ్చేసి రూ.5.79 లక్షలుగా సంస్థ నిర్దేశించింది.దీని బీఎస్4 మోడల్ తో పోలిస్తే ఈ సరికొత్త 2021 కవాసాకి వల్కాన్ ఎస్ మోటార్ సైకిల్ ధర దాదాపు 30 వేల రూపాయల అధికంగా ఉంది. ఆల్ న్యూ డ్యూయల్ టోన్ పెయింట్ స్కీమ్ అయిన మెటాలిక్ ఫ్లాట్ రా గ్రేస్టోన్ కలర్లో ఉంది. అంతేకాకుండా ఫ్యూయల్ ట్యాంకుపై రెడ్ కలర్ యాక్సెంట్స్, అల్లాయ్ వీల్స్ తో చూపరులను ఆకట్టుకుంటోంది.ఈ మోటార్ సైకిల్ ఇంజిన్ ను బీఎస్6 కాలుష్య నియంత్రణ ప్రమాణాలకు అనుగుణంగా మార్పులు చేశారు. 649సీసీ లిక్విడ్ కూల్డ్, ప్యార్లెల్ ట్విన్ సిలీండర్ ఇంజిన్ ను కలిగి ఉండి 60 బీహెచ్ పీ బ్రేక్ హార్స్ పవర్, 62.4 ఎన్ఎం టార్క్ ను ఉత్పత్తి చేస్తుంది. అంతేకాకుండా స్టాండర్డ్ 6-స్పీడ్ గేర్ బాక్స్ వ్యవస్థను కలిగి ఉంది. ఇంతకు ముందు మోడళ్లైన కవాసాకి జెడ్ 650, నింజా 650, మోడల్ మాదిరే దీని డిజైన్ లో ఎలాంటి మార్పు లేదు.కవాసాకి వల్కాన్ ఎస్ మోటార్ సైకిల్ ప్రత్యేకతల దగ్గరకొస్తే కొత్త కలర్ స్కీముతో అందుబాటులోకి వచ్చింది. ఇది కాకుండా సరికొత్త ఇన్ స్ట్రూమెంట్ కన్సోల్, బ్లూ టూత్ టెక్నాలజీ, ఓవల్ షేప్ లో ఉన్న హెడ్ ల్యాంపులు, గుండ్రటి ఆకారంలోని లోవర్ టర్న్ సిగ్నల్ ఇండికేటర్లు, ఎక్సాహాస్ట్ అల్లాయ్ వీల్స్ లాంటి ఫీచర్లు ఇందులో ఉన్నాయి. అంతేకాకుండా 1575 ఎంఎం వీల్స్ బేసస్. ముందు భాగంలో 41 ఎంఎం టెలిస్కోపిక్ ఫోర్కులు, 130 ఎంఎం ఆఫ్ సైట్ టైప్ మోనోషాక్ సెటప్ ను కలిగి ఉంది. ఇవి కాకుండా 300 ఎంఎం డ్యూయల్ ఫ్రంట్ డిస్క్ బ్రేక్, 250 ఎంఎం సింగిల్ రేర్ యూనిట్, డ్యూయల్ ఛానెల్ ఏబీఎస్ లాంటి ప్రత్యేకతలు ఇందులో ఉన్నాయి.వల్కాన్ ఎస్ మోడల్లో 14-లీటర్ల సామర్థ్యం కలిగిన ఇంధన ట్యాంకు, అప్-రైడ్ హ్యాండిల్ బార్, మృధువైన సీటింగ్ ఉండటం వల్ల లాంగ్ డ్రైవ్ లకు బాగా ఉపకరిస్తుంది. ఇంతకు ముందు మోడల్లో మాదిరే సెమీ డిజిటల్ ఇన్ స్ట్రూమెంట్ కన్సోల్, గేర్ ఇండికేటర్, ట్రిప్ మీటర్, ఫ్యూయల్ ఇండికేటర్ తదితర ఫీచర్లు ఇందులో హైలెట్లు.