ట్రెండింగ్
ప్రయాణీకులకు బంపరాఫర్ ఇచ్చిన ఏపీఎస్ఆర్టీసీ
Andhra Pradesh Telugu | Suryaa Desk | Published : Thu, Feb 04, 2021, 05:33 PM
శ్రీవారి దర్శనానికి ఆర్టీసీ బస్సుల్లో వెళ్లే ప్రయాణీకులకు ఏపీఎస్ఆర్టీసీ బంపర్ ఆఫర్ ప్రకటించింది. ఆర్టీసీ బస్సుల్లో తిరుమల శ్రీవారి దర్శనానికి వెళ్లే భక్తులకు రూ.300 శీఘ్ర దర్శనం టికెట్లు పొందే అవకాశం కల్పించింది. ఆ టిక్కెట్ల కోసం తిరుమల బస్ స్టేషన్ వద్ద ఆర్టీసీ సూపర్ వైజర్లు అందుబాటులో ఉండనున్నారు. తిరుమలలో ఉదయం 11 గంటలకు, సాయంత్రం 4 గంటలకు శీఘ్ర దర్శనం ఏర్పాటు చేస్తారు. దూర ప్రాంతాల నుంచి వచ్చేవారు ఈ సౌకర్యాన్ని వినియోగించుకోవాలని ఆర్టీసీ ఈవో జవహర్ రెడ్డి వెల్లడించారు.
ఏపీఎస్ఆర్టీసీ ప్రతీ రోజూ తిరుపతికి 650 బస్సులు నడుపుతోంది. ప్రతీ డిపో నుంచి తిరుపతికి బస్సులు అందుబాటులో ఉన్నాయి. బెంగళూరు, చెన్నై, కంచి, వెల్లూరు, పాండిచ్చేరి, హైదరాబాద్ వంటి దూర ప్రాంతాల నుంచి వచ్చే ప్రయాణీకులకు ఇది మంచి సౌకర్యమని ఆర్టీసీ ఈవో జవహర్ రెడ్డి పేర్కొన్నారు.
|
|