పెద్దలను ఎదిరించి పెళ్లి.. అంతలోనే ఊహించని ఘటన
national | Suryaa Desk | Published : Mon, Dec 27, 2021, 04:43 PM
కూతురు తమను ఎదిరించి ప్రేమ పెళ్లి చేసుకుందని తండ్రి ఆమెను జుట్టు పట్టుకుని లాక్కెళ్లడానికి ప్రయత్నించాడు. ఇందుకు సంబంధించిన వీడియో సోషల్ మీడియాలో వైరల్ గా మారింది. ఈ ఘటన తర్వాత కూతురు తన తండ్రి నుంచి ప్రాణ హాని ఉందని పోలీస్ స్టేషన్లో ఫిర్యాదు చేసింది. పోలీసులు ఆమె తండ్రికి సమన్లు జారీ చేశారు. వాళ్లిద్దరూ మేజర్లని, వారిని ఇబ్బంది పెట్టినట్లు తెలిస్తే చట్టపరమైన చర్యలు తీసుకోవాల్సి ఉంటుందని అతడిని హెచ్చరించారు. ఈ ఘటన కర్ణాటకలోని హరాళే గ్రామంలో జరిగింది.
వివరాల్లోకి వెళితే.. హరాళే గ్రామానికి చెందిన మహేంద్ర, చిత్ర ప్రేమించుకున్నారు. వారి పెళ్లికి పెద్దలు ఒప్పుకోలేదు. దీంతో డిసెంబర్ 8న వారు సబ్ రిజిస్ట్రార్ ఆఫీస్లో ప్రేమ పెళ్లి చేసుకున్నారు. మ్యారేజ్ సర్టిఫికెట్ కోసం వీరిద్దరూ ఇటీవల ఒకరోజు సబ్ రిజిస్ట్రార్ ఆఫీస్కు వెళ్లారు. ఆ విషయం చిత్ర తండ్రి బసవరాజ్ కు తెలిసి అక్కడికి వెళ్లాడు. తన కూతుర్ని జుట్టు పట్టుకుని లాక్కెళ్లాడు. చిత్ర తన భర్తతో కలిసి ఎలాగోలా అక్కడ నుంచి బయటపడి పోలీస్ స్టేషన్లో ఫిర్యాదు చేసింది. ఆమె ఫిర్యాదుతో నంజన్గుడ్ పోలీసులు బసవరాజ్ నాయక్కు సమన్లు జారీ చేశారు. వాళ్లిద్దరూ మేజర్లని, వారిని మళ్లీ ఇబ్బంది పెడితే చట్టపరమైన చర్యలు తీసుకోవాల్సి ఉంటుందని హెచ్చరించారు.
|
|