అంతర కళాశాలల బేస్బాల్ టోర్నమెంట్ ప్రారంభం
Andhra Pradesh Telugu | Suryaa Desk | Published : Thu, Mar 03, 2022, 09:01 AM
చౌడవరంలోని ఆర్వీఆర్అండ్జేసీ ఇంజనీరింగ్ కళాశాలలో బుధవారం ఆచార్య నాగార్జున విశ్వవిద్యాలయం అంతర కళాశాలల పురుషుల బేస్బాల్ పోటీలు ప్రారంభమయ్యాయి. పోటీలను కళాశాల ప్రిన్సిపల్ డాక్టర్ కొమ్మినేని రవీంద్ర ప్రారంభించారు. క్రీడాస్ఫూర్తితో పోటీల్లో పాల్గొనాలని సూచించారు. కళాశాల కార్యదర్శి రాయపాటి గోపాలకృష్ణ మాట్లాడుతూ క్రీడారంగంలో తెలుగు వారు అనేకమంది అంతర్జాతీయ స్థాయిలో రాణిస్తున్నారని వారిని స్ఫూర్తిగా తీసుకోవాలన్నారు.
పోటీల్లో ఆర్వీఆర్అండ్జేసీ కాలేజ్ ఆఫ్ ఇంజనీరింగ్ (చౌడవరం), యూనివర్సిటీ కాలేజ్ ఆఫ్ ఫిజికల్ ఎడ్యుకేషనల్ అండ్ స్పోర్ట్స్(ఏఎన్యు), చుండి రంగనాయకులు కాలేజి(చిలకలూరిపేట), ఎంఎల్ అండ్ఎస్ కాలేజి(పిడుగురాళ్ళ) తదితర కళాశాలల లీగ్దశకు చేరుకున్నాయని కళాశాల ఫిజికల్ డైరెక్టర్ డాక్టర్ పి. గౌరిశంకర్ తెలిపారు. కార్యక్రమంలో వైస్ ప్రిన్సిపల్ డాక్టర్ కొల్లా శ్రీనివాస్, డైరెక్టర్ ఫైనాన్స్ అండ్ అడ్మినిస్ట్రేషన్ డాక్టర్ ఎన్వీ శ్రీనివాసరావు, డాక్టర్ పాతూరి శ్రీనివాస్, ఎంపిక కమిటీ సభ్యులు డాక్టర్ బి. నాగేశ్వరరావు, జి. ప్రేమ్కుమార్ తదితరులు పాల్గొన్నారు.
|
|