ట్రెండింగ్
కాబోయేభర్తతో శ్రుతిహాసన్
cinema | Suryaa Desk | Published : Thu, Dec 07, 2017, 07:54 AM
లండన్ లో సెటిలైన ఇటాలియన్ మైఖేల్ కొర్సేల్ ను శ్రుతి హాసన్ వివాహం చేసుకోబోతోందనే వార్తలు గత కొన్నాళ్లుగా వస్తున్న సంగతి తెలిసిందే. అయితే ఈ రూమర్ల గురించి శ్రుతి ఇంత వరకూ స్పందించలేదు. అయితే తరచూ అతడితో కలిసి కనిపిస్తూ.. పెళ్లి ఊహాగానాలకు ఊతం ఇస్తోందామె. ఆ మధ్య అతడిని కలవడానికి లండన్ వెళ్లింది. లండన్ లో కమల్, మైఖేల్ లను కలిపింది శ్రుతి.
ఇప్పుడు అతడు ఇండియాకు వచ్చాడు. ఇటీవలే సారికతో ఈ జంట కనిపించింది. ఇప్పుడు విశేషం ఏమిటంటే.. కమల్ హాసన్ తో వీళ్లు జంటగా కనిపించారు. ఈ ఫొటోలో వీళ్లంతా సంప్రదాయ దుస్తుల్లో కనిపించడం విశేషం. కమల్ పట్టు పంచెలో కనిపించగా, మైఖేల్ కూడా అచ్చమైన తమిళ వస్త్రధారణలోకి మారిపోయాడు. శ్రుతి శారీ కట్టి.. ట్రెడిషినల్ టచ్ ఇచ్చింది. మరి ఇవన్నీ పెళ్లికి సమాయత్తం అవుతున్న దాఖలాలేనా?
|
|