వరల్డ్ ఫేమస్ లవర్ నుంచి నాలుగు రోజులు నాలుగు పోస్టర్స్!
cinema | Suryaa Desk | Published : Thu, Dec 12, 2019, 04:56 PM
తరుణ్ భాస్కర్ దర్శకత్వంలో వచ్చిన ‘పెళ్లి చూపులు’ సినిమాతో విజయ్ దేవరకొండ అందరి దృష్టిని ఆకర్షించాడు. ఇక ఆ తర్వాత సందీప్ రెడ్డి దర్శకత్వంలో వచ్చిన ‘అర్జున్ రెడ్డి’ సినిమాతో స్టార్ హీరో అయ్యాడు విజయ్ దేవరకొండ. ఆ తరవాత ‘గీతా గోవిందం’, ‘టాక్సీవాలా’ సినిమాలతో మరింతగా ఎదిగాడు. నటుడు విజయ్ దేవరకొండ క్రాంతి మాధవ్ దర్శకత్వంలో వరల్డ్ ఫేమస్ లవర్ అనే రొమాంటిక్ ఎంటర్టైనర్ చేస్తున్నాడు. ఈ సినిమా ఫిబ్రవరి 14న విడుదల కానుంది. ఈ చిత్రానికి సంబంధించి వినూత్న ప్రచారం చేస్తున్నాడు విజయ్. తాజాగా తన ట్విట్టర్లో ..నాలుగు రోజులు. నలుగురు లవర్స్.. నాలుగు పోస్టర్స్ విడుదల చేయబోతున్నట్టు తెలిపాడు. ఈ మూవీలో విజయ్ దేవరకొండ సరసన నలుగురు హీరోయిన్స్ నటిస్తుండగా, వారికి సంబంధించిన లుక్స్ ఒక్కో రోజు విడుదల కానున్నాయి. డిసెంబర్ 12న ఐశ్వర్యా రాజేష్, 13న ఇజా బెల్లా, 14న క్యాథరిన్ త్రెసా, 15న రాశీఖన్నా ఇలా వీరి లుక్స్ ప్రతి రోజు సాయంత్రం 6.03ని.లకి విడుదల కానున్నాయి.
|
|