మాల్దీవుల్లో తెగ ఎంజాయ్ చేస్తున్న కాజల్ అగర్వాల్!
cinema | Suryaa Desk | Published : Sat, Dec 21, 2019, 05:09 PM
ఈ ఏడాది విడుదలైన 'సీత', 'కోమలి' చిత్రాలతో మంచి విజయాన్ని అందుకున్న కాజల్ అగర్వాల్ ప్రస్తుతం శంకర్-కమల్ హాసన్ కాంబినేషన్లో తెరకెక్కుతున్న 'ఇండియన్ 2' సినిమాలో నటిస్తున్నారు. టాలీవుడ్ లోకి తేజ దర్శకత్వంలో కళ్యాన్ రామ్ హీరోగా నటించిన 'లక్ష్మీ కళ్యాణం' మూవీతో హీరోయిన్ గా పరిచయం అయ్యింది కాజల్ అగర్వాల్. అమాయకమైన చూపు.. అందమైన రూపం కాజల్ కి బాగా కలిసి వచ్చాయి. ఈ మూవీ తర్వాత తెలుగు టాప్ హీరోల సరసన వరుసగా ఛాన్సులు కొట్టేసింది. టాలీవుడ్ లో చిరు, పవన్, చెర్రీ, బన్నీ లతో కలిసిన నటించిన ఘనత కాజల్ కే దక్కుతుంది. శంకర్ దర్శకత్వంలో 'భారతీయుడు' తన ఫెవరేట్ హీరో కమల్ హాసన్ తో నటించే అవకాశం దక్కించుకున్న ఈ కలువకళ్ల భామ తాజాగా మాల్దీవుల్లో తెగ ఎంజాయ్ చేస్తుంది. 'ఇండియన్ 2' సినిమాలో నటిస్తున్న కాజల్ కాస్త విరామ సమయం దొరకడంతో కుటుంబసభ్యులతో కలిసి మాల్దీవుల టూర్కు వెళ్లారు. టూర్లో భాగంగా తన తల్లి పుట్టినరోజు వేడుకలను సరదాగా జరిపారు. అంతే కాదు మంచు విష్ణు హీరోగా 'మోసగాళ్లు' మూవీలో నటిస్తున్నారు. మరోవైపు 'ముంబయి సాగా', 'ప్యారిస్ ప్యారిస్' సినిమా కూడా ఆమె చేతిలో ఉన్నాయి. సినీ పరిశ్రమలోకి పదేళ్ల క్రితం వచ్చిన కాజల్ ఇప్పటికీ యంగ్ హీరోయిన్లకు పోటీ ఇస్తూ యంగ్ హీరోల సరసన నటిస్తుంది.
|
|