మత్తువదలరా టీం తో టాలీవుడ్ జక్కన్న చిట్ చాట్
cinema | Suryaa Desk | Published : Sun, Dec 29, 2019, 08:39 PM
టాలీవుడ్ జక్కన్న రాజమౌళి చేసిన 11 సినిమాల్లో ప్లాప్ అంటే ఎరుగని దర్శకుడిగా కొనసాగుతున్నారు . ప్రస్తుతం ఆర్.ఆర్.ఆర్ షూటింగ్ లో బిజీగా ఉన్న రాజమౌళి సరదాగా మత్తువదలరా టీం ( జై సింహ, అగస్త్య , సత్య) తో చిట్ చాట్ చేశారు. అందులో భాగంగా రాజమౌళి అడిగిన పలు ప్రశ్నలకి సమాధానం ఇచ్చారు. అలాగే వారు అడిగిన ప్రశ్నలకి రాజమౌళి కూడా సమాధానం ఇచ్చారు. అందులో భాగంగా కొత్తవాళ్లతో మీరు సినిమా చేస్తారా అని ప్రశ్నించగా కథ డిమాండ్ చేస్తే చేస్తానని, అందులో ఎలాంటి డౌట్ అక్కరలేదని చెప్పుకొచ్చాడు. ఇక మహాభారతంలోని ఒక్క ఎపిసోడ్ ని అయిన మీరు తీస్తారా అని అడగగా, దానికి రాజమౌళి సమాధానం ఇస్తూ మహాభారతం ఒక్క ఎపిసోడ్ కాదు మొత్తం మహాభారతాన్ని తీస్తానని రాజమౌళి చెప్పుకొచ్చాడు. కథ రాసుకునేటప్పుడే తాను కథానాయకుడిని ఎంపిక చేసుకుంటానని, సినిమా సినిమాకి ఒత్తిడి ఉన్నప్పటికీ దానిని నేను పెద్దగా పట్టించుకోనని చెప్పుకొచ్చాడు.
|
|