'అంధాదూన్' సినిమా రీమేక్ కి శ్రీకారం చుట్టేపనిలో నితిన్
cinema | Suryaa Desk | Published : Sat, Feb 22, 2020, 04:39 PM
చాలా కాలం తరువాత నితిన్ కి 'భీష్మ' సినిమాతో హిట్ పడింది. ఈ సక్సెస్ ను ఆయన ఎంజాయ్ చేస్తూ, 'అంధాదూన్' సినిమా రీమేక్ కి శ్రీకారం చుట్టేపనిలో వున్నాడని అంటున్నారు. 2018లో హిందీలో వచ్చిన , 'అంధాదూన్' వైవిధ్యభరితమైన చిత్రంగా నిలిచింది. ఈ సినిమా తెలుగు రీమేక్ హక్కులను నితిన్ దక్కించుకున్నాడు. ఈ సినిమాను తన సొంత బ్యానర్లో నిర్మించడమే కాకుండా తను నటించనున్నాడు.
హిందీలో 'టబు' పాత్ర చాలా కీలకం. తెలుగులో ఆ పాత్ర కోసం రమ్యకృష్ణ .. స్నేహ .. రెజీనా .. అనసూయల పేర్లను పరిశీలిస్తున్నారట. వీళ్లలో నుంచే ఎంపిక ఉంటుందా? మరికొంతమంది పేర్లను ఈ జాబితాలో చేరుస్తారా? అనేది చూడాల్సి వుంది. ఈ నెల 24వ తేదీన ఈ సినిమాను లాంచ్ చేయనున్నారు. రెగ్యులర్ షూటింగుకి చాలానే సమయం ఉండొచ్చు. ఎందుకంటే 'రంగ్ దే' .. 'చెక్' సినిమాలను పూర్తి చేసిన తరువాతనే నితిన్ రీమేక్ ను సెట్స్ పైకి తీసుకెళతాడు. మొత్తానికి ఈ ఏడాది అంతా వరుస సినిమాలతో బిజీబిజీగా గడిపేస్తాడన్న మాట.
|
|