తన పేరుతో ఫేక్ ఫేస్ బుక్ అకౌంట్ చేశారు : విజయ్ దేవరకొండ..

సోషల్ మీడియా మంచి కంటే చెడుకే ఎక్కువ ఉపయోగపడుతున్నది.. ఈ మీడియా భారీన పడి ఎందరో మోసపోతున్నారు..పర్యావసానంగా సైబర్ క్రైం నేరాలు  పెరిగిపోతున్నాయి.. తాజాగా యంగ్ హీరో విజయ్ దేవరకొండ పేరుతో యవతులను మోసం చేస్తున్న సంఘటలన వెలుగులోకి వచ్చింది..సాక్షాత్తు విజయ్ దేవరకొండ ఈ మోసాన్ని గుర్తించి పోలీసులుకు ఫిర్యాదు చేయడం విశేషం.. వివరాలలోకి వెళితే  విజయ్ దేవరకొండ పేరుతో కొన్ని రోజులక్రితం నకిలీ ఫేస్‌బుక్ ఖాతా తెరిచిన వ్యక్తి మొదట తనకు డబ్బింగ్‌ చెప్పే ఆర్టిస్టుతో చాటింగ్‌ చేయాలని, వివరాలవీ ఓకే అనుకున్నాక అతడు ఓకే చేస్తే నేను చాటింగ్‌ చేస్తానంటూ ఆ  మోసగాడు చెప్తున్నాడు. సెకండ్ స్టెప్‌గా తన డబ్బింగ్‌ ఆర్టిస్ట్‌ అంటూ ఓ ఫోన్‌ నంబర్‌ ఇస్తున్నాడు.  దీంతో వాట్సాప్‌ ద్వారా చాటింగ్‌ చేస్తున్న యువతులతో అతగాడు ప్రేమ, పెళ్లి, సహజీవనం అంటూ ముచ్చట్లు పెడుతున్నాడు. ఈ వ్యవహారాన్ని ఇటీవల కొందరు సన్నిహితులు విజయ్‌ దేవరకొండ దృష్టికి తీసుకెళ్లారు. మోసగాడికి చెందిన వాట్సాప్‌ నంబర్‌ సైతం అందించారు. దీంతో అసలు నిజం తెలుసుకోవాలని భావించిన ఆయన తన వద్ద సహాయకుడిగా పని చేసే గోవింద్‌ను యువతి మాదిరిగా ఆ నంబర్‌తో చాటింగ్‌ చేయమని చెప్పగా తన పేరు హేమ అంటూ పరిచయం చేసుకున్న గోవింద్‌ ఆ మోసగాడితో చాటింగ్‌ చేసాడు..

తాను విజయ్‌ దేవరకొండ డబ్బింగ్‌ ఆర్టిస్ట్‌ని అంటూ పరిచయం చేసుకున్న అతగాడు అందరు అమ్మాయిలకు చెప్పే కథలే ఇక్కడా చెప్పాడు. కట్ చేస్తే.. మోసగాడు దాదాపు పది మంది యువతులను ఇలానే మోసం చేస్తున్నట్లు క్లారిటీ వచ్చింది. దీంతో మంగళవారం గోవింద్‌తో పాటు విజయ్‌ దేవరకొండ మేనేజర్‌ సైతం సిటీ సైబర్‌ క్రైమ్‌ పోలీసుల్ని కలిసి ఫిర్యాదు చేయడంతో కేసు నమోదైంది. సాంకేతికంగా దర్యాప్తు చేస్తున్న పోలీసులు నిందితుడిని త్వరలోనే పట్టుకుంటామని తెలిపారు.