2 నెలలు.. 4 హిట్లు
cinema | Suryaa Desk | Published : Wed, Mar 04, 2020, 01:46 PM
2020కి స్వాగతం చెప్పి అప్పుడే రెండు నెలలు గడిచిపోయింది. ఈ రెండు నెలల్లో ఎన్నో తెలుగు సినిమాలు విడుదలయ్యాయి. అందులో కొన్ని ఆకట్టుకోగా, మరికొన్ని నిరాశ పరిచాయి. 'సరిలేరు నీకెవ్వరు', 'అల వైకుంఠపురములో' సినిమాలతో సంక్రాంతి సీజన్ సందడిగానే వున్నా ఆ సినిమాల తర్వాత తెలుగు ఇండస్ట్రీకి ఫిబ్రవరిలో విడుదలయిన 'భీష్మ' వరకు సరైన హిట్టే దొరకలేదు. జనవరి చివరన విడుదలయిన 'అశ్వద్ధామ' పరవాలేదనిపించింది. ఫిబ్రవరి 21న విడుదలయిన 'భీష్మ' సినిమానే చిన్న నెల మొదటి హిట్. ఆ తర్వాత విడుదలయిన 'హిట్' సినిమా కూడా హిట్ టాక్ సొంతం చేసుకుంది. దీంతో రెండు నెలలు రెండు, రెండు హిట్లతో సరిపెట్టుకున్నాయి. ఇక మార్చిలో 'ఓ పిట్టకథ', '1978 పలాస', 'అనుకున్నది ఒక్కటి.. అయినది ఒక్కటి', నాని 'వి', 'ఒరేయ్ బుజ్జిగా', సినిమాలు విడుదలకు సిద్ధంగా వున్నాయి. చూడాలి మరి మార్చి నెల హిట్ల మోత మోగిస్తుందో లేదో.
|
|