చిరంజీవి తన ఫ్యాన్ కి చేయించిన హార్ట్ సర్జరీ సక్సెస్..
cinema | Suryaa Desk | Published : Sat, Apr 11, 2020, 03:20 PM
కొన్ని రోజుల కింద ఓ అభిమానికి గుండె జబ్బు ఉందని తెలుసుకుని.. తనే స్వయంగా సర్జరీ చేయిస్తానని మాటిచ్చాడు మెగాస్టార్ చిరంజీవి. ఇఫ్పుడు అన్న మాట ప్రకారమే ఆమెకు సర్జరీ చేయించాడు. చిరంజీవి సాయంతో ఎప్రిల్ 10న ఆయన అభిమాని రాజనాల నాగలక్ష్మి ఆపరేషన్ విజయవంతంగా జరిగింది. స్టార్ హాస్పిటల్ చైర్మెన్ & మేనేజింగ్ డైరెక్టర్ డాక్టర్ ఎమ్. గోపీచంద్ ఆధ్వర్యంలో సుమారు 3.30 నిమిషాలు ఆపరేషన్ సమయం పట్టింది. సర్జరీ విజయవంతం అయ్యిందని తెలిపాడు చిరంజీవి అభిమాన సంఘం అధ్యక్షుడు స్వామి నాయుడు. అందరి ప్రార్థనలు ఫలించి.. ఆమెకు ఎటువంటి ఇబ్బందులు లేకుండా విజయవంతంగా సర్జరీ జరిగిందని తెలిపాడు ఈయన.ఆపరేషన్ గురించి చిరంజీవి ఎప్పటికప్పుడు సమాచారం తెలుసుకుంటూనే వున్నారని చెప్పాడు స్వామి నాయుడు. ఆపరేషన్ పూర్తవ్వగానే చిరంజీవికి డాక్టర్ గోపీచంద్ ఫోన్ చేసి చెప్పారని.. ఆ విషయాన్ని తమతో పంచుకుని చిరు కూడా సంతోషించారని చెప్పాడు స్వామి నాయుడు. ఈ సందర్భంగా మెగాస్టార్ చిరంజీవి మాట్లాడుతూ.. డాక్టర్ గోపీచంద్ గారికి.. వాళ్ల బృందానికి ధన్యవాదాలు.. అలాగే ఈ విషయాన్ని సమయానికి నా దృష్టికి తీసుకొచ్చిన స్వామి నాయుడు.. హైదరాబాద్ వరకూ రావటానికి ఏర్పాట్లు చేసిన బి. దిలీప్.. ఇంత దూరం ప్రయాణించడానికి అనుమతిచ్చిన రెండు రాష్ట్రాల పోలీసు అధికారులకి.. ఇతర సిబ్బందికి ప్రత్యేకంగా ధన్యవాదాలు తెలుపుతున్నాని చెప్పాడు.
|
|