మహేష్ బాబు పుష్ప సినిమా ని ఇందుకే వదిలేసాడా..?

పుష్ప.. గత మూడు రోజులుగా సోషల్ మీడియాను షేక్ చేస్తున్న పేరు. ఇంకా చెప్పాలంటే ట్విట్టర్‌లో అత్యధిక వ్యూస్ సాధించిన తెలుగు సినిమా ఇదే. అల్లు అర్జున్ హీరోగా సుకుమార్ తెరకెక్కిస్తున్న ఈ చిత్రంపై అంచనాలు ఆకాశంలో ఉన్నాయి. మొన్నటి వరకు ఎలా ఉన్నా కూడా ఒక్కసారి ఫస్ట్ లుక్ పోస్టర్ విడుదలైన తర్వాత మాత్రం అంచనాలు తారాస్థాయికి చేరిపోయాయి. అందులో బన్నీ లుక్ కూడా మరో స్థాయిలో ఉంది. ఇప్పటి వరకు ఈయన చేసిన సినిమాలతో పోలిస్తే కచ్చితంగా పుష్ప నెక్ట్స్ లెవల్‌లో ఉంటుందని అర్థమైపోతుంది. అయితే ఈ సినిమా కథ ముందు మహేష్ బాబుకు చెప్పాడు సుకుమార్.మొత్తం అడవి నేఫథ్యంలో సాగే కథ కావడంతో ఆయన కూడా ముందు ఆసక్తి చూపించాడు. అయితే ఉన్నట్లుండి మనసు మార్చుకుని సరిలేరు నీకెవ్వరు అంటూ వినోదాత్మక సినిమాతో వచ్చాడు. విజయం కూడా అందుకున్నాడు. అయితే ఆ సమయంలో మహేష్ తీసుకున్న నిర్ణయం అభిమానులకు కరెక్టే అనిపించింది. ఎందుకు లేనిపోని తలనొప్పులు సుకుమార్‌తో.. ఇప్పటికే నేనొక్కడినే అంటూ ఓ డిజాస్టర్ కూడా ఇచ్చాడు కదా అనుకున్నారు. కానీ రంగస్థలం లాంటి బ్లాక్‌బస్టర్ ఇచ్చిన సంగతి కూడా మర్చిపోయి ఇప్పుడు ఎమోషనల్ సినిమాలు చేయలేనని మహేష్ పుష్పను వదలిసాడు.ఈ సినిమాను మహేష్ కాదనుకోడానికి కథ కంటే ముఖ్యంగా లుక్ అని ఇప్పుడు అర్థమవుతుంది. ఈ సినిమా కోసం మహేష్ బాబును పూర్తిగా లుక్ మార్చాలంటూ సుకుమార్ కోరినట్లు తెలుస్తుంది. డీ గ్లామరైజ్డ్‌గా మారిపోయి సినిమా చేయాలని ఆయన కోరడంతో దానికి సూపర్ స్టార్ ఒప్పుకోలేదని ప్రచారం జరుగుతుంది. పుష్ప లుక్‌కే మహేష్ బెదిరిపోయి ఉంటాడని సోషల్ మీడియాలో బన్నీ ఫ్యాన్స్ ట్రోల్స్ కూడా చేస్తున్నారు. ఎప్పుడూ రొటీన్‌గా కనిపించే మహేష్ బాబు.. ఒక్కసారిగా పుష్ప కోసం పూర్తిగా మారిపోవాలనే సరికి కాస్త ఆలోచనలో పడిపోయి నో చెప్పేసి ఉంటాడంటున్నారు నెటిజన్లు కూడా.మొన్న విడుదలైన పోస్టర్‌లో మహేష్ బాబు ఉండుంటే ఎలా ఉండేదో ఒక్కసారి ఊహించుకోండి.. కష్టమే కదా.. అందుకే తన గురించి తనకంటే ఎవరికీ బాగా తెలియదు కాబట్టి ఈ కారెక్టర్‌కు తాను సరిపోనని సూపర్ స్టార్ పక్కకు తప్పుకుని ఉంటాడేమో..? ఏదేమైనా కూడా ఈ సినిమా సూపర్ హిట్ అవ్వాలని సోషల్ మీడియాలో సుకుమార్‌కు ఆల్ ది బెస్ట్ చెప్పాడు ఈయన.