ట్రెండింగ్
ప్రముఖ హీరోయిన్ కు కరోనా
cinema | Suryaa Desk | Published : Mon, Jul 20, 2020, 05:19 PM
ప్రముఖ హీరో అర్జున్ కూతురు,హీరోయిన్ ఐశ్వర్య అర్జున్ కరోనా బారిన పడ్డారు. తనకు కరోనా సోకిందని ఐశ్వర్య ఇన్ స్టాగ్రామ్ వేదికగా ప్రకటించారు. ప్రస్తుతం తాను హోం క్వారంటైన్ లో ఉండి చికిత్స తీసుకుంటున్నానని,ఇటీవల తనను కాంటాక్టు అయిన వారు కరోనా పరీక్ష చేయించుకోవాలని ఆమె కోరారు. వైద్యులు సూచించిన ఆహారం,మెడిసిన్ తీసుకుంటూ తాను చికిత్స చేయించుకుంటున్నానన్నారు. అంతా మాస్కులు ధరించి, జాగ్రత్తలు తీసుకోవాలని ఆమె సూచించారు. త్వరలో తాను కోలుకొని మళ్లీ ఆ విషయాన్ని అందరితో పంచుకుంటానని తెలిపారు. ఐశ్వర్య 2013లో హీరోయిన్ గా ఎంట్రీ ఇచ్చిన విషయం తెలిసిందే. తమిళ స్టార్ హీరో విశాల్ హీరోగా 2013లో పట్టాత్తు యానై సినిమాతో ఐశ్వర్య తన కెరీర్ను ప్రారంభించింది. ఆ సినిమా ఆశించిన విజయం సాధించలేదు. చివరగా 2018లో ప్రేమ బారహ మూవీలో యాక్ట్ చేసింది.
|
|