బిగ్ బాస్ 4: మనుషులకు రోబోలకు మద్య ఫైట్
cinema | Suryaa Desk | Published : Wed, Sep 23, 2020, 01:01 PM
తెలుగు బిగ్ బాస్ ప్రేక్షకులను ఎంటర్ టైన్ చేసేందుకు తీవ్రంగా ప్రయత్నాలు చేస్తున్నాడు. గత సీజన్ ల టాస్క్ లను అటు ఇటుగా మార్చి ఇస్తూ ప్రేక్షకులకు పెద్దగా ఆసక్తిని కలిగించలేక పోతున్నారు. ఈ సీజన్ లో ఇప్పటి వరకు ఒక్క మంచి టాస్క్ కూడా ఇవ్వని బిగ్ బాస్ నిన్నటి ఎపిసోడ్ లో ఇంటి సభ్యులను రెండు టీమ్ లుగా విడదీశారు. అందులో ఒక టీమ్ రోబోలుగా ప్రవర్తంచాలి మరో టీం మనుషులుగా ప్రవర్తించాలి. మనుషులకు ఇంట్లోకి అనుమతి లేదు. బయటే ఉండాలి. మనుషులకు ఏదైనా అవసరాలు ఉంటే రోబోలకు చార్జింగ్ పెట్టి ఆ అవసరాలను తీర్చుకోవాల్సి ఉంటుంది. మనుషులు మరియు రోబోలకు మద్య ఒక బాల్ ఉంటుంది. అది మనుషులు పగులకొట్టాలి. దాన్ని పగుల కొడితే ఒక్కో రోబో చనిపోతూ ఉంటుంది.
నిన్నటి ఎపిసోడ్ లో టాస్క్ చాలా నీరసంగా సాగింది అనిపించింది. రోబోలకు చార్జింగ్ ఇచ్చేందుకు మనుషులు ఒప్పుకోవడం లేదు. ఆకలితో అలమటిస్తూ, టాయిలెట్ వచ్చినా బాత్ రూంకు వెళ్లకుండా మనుషుల టీం గేమ్ కొనసాగిస్తున్నారు. కాని రోబోలు మాత్రం తమ చార్జింగ్ తగ్గుతుండటంతో ఏం చేయాలో పాలుపోక ఇంటి లోపల ఉన్నారు. నేటి ఎపిసోడ్లో మనిషి అయిన దివిని లాక్కెల్లి ఆమె నుండి చార్జింగ్ తీసుకోబోతున్నట్లుగా ప్రోమోలో చూపించారు. నిన్నటి ఎపిసోడ్ తో పోల్చితే నేటి ఎపిసోడ్ లో ఆట రసవత్తరంగా సాగుతుందేమో అనిపిస్తుంది.
ఈ టాస్క్ నిన్న మొత్తం సాగింది. ఒకటి రెండు చిన్న చిన్న సంఘటనలు మినహా నిన్నంతా ఎపిసోడ్ మామూలుగానే సాగింది. నేటి ఎపిసోడ్ గురించి ప్రేక్షకులు ఆసక్తిగా ఎదురు చూస్తున్నారు. మరో వైపు ఈ వారం ఎలిమినేషన్ లో ఉన్న కుమార్ సాయికి అతి తక్కువగా ఓట్లు పడుతున్నట్లుగా తెలుస్తోంది. ఈ వారం ఎలిమినేట్ అయ్యేది కుమార్ సాయి అనిపిస్తుంది. నిన్నటి ఎపిసోడ్ లో ఆసక్తికరమైన విషయం ఏంటీ అంటే మోనాల్ ను ఇంప్రెస్ చేసేందుకు ముక్కు అవినాష్ తీవ్రంగా ప్రయత్నాలు చేస్తున్నాడు. అతడు కలుపుతున్న పులిహోరా నవ్వు తెప్పించింది.
|
|