బిగ్ బాస్ 4: కుమార్ సాయి గెలువబోతున్నాడా..?
cinema | Suryaa Desk | Published : Wed, Sep 23, 2020, 01:32 PM
బిగ్బాస్ షోలో ఓ సంప్రదాయం ఉంది. హౌజ్ లో ఒక కంటెస్టెంట్ని ఎవరయినా టార్గెట్ చేస్తున్నట్టు అనిపిస్తే ఇక బయట ప్రేక్షకులు అతడు లేదా ఆమె వెంట నిలబడిపోతారు. హౌస్లో వాళ్లకు సపోర్ట్ దక్కకపోతే బయటనుంచి తమ ఓట్లతో వాళ్లను గెలిపించేస్తుంటారు. సీజన్ 2లో ‘కౌశల్’ని అప్పటి హౌస్మేట్స్ అదే పనిగా టార్గెట్ చేయడం అతడిని విజేతగా నిలబెట్టింది. గత సీజన్లో అదే తప్పు శ్రీముఖి చేసింది. ప్రతి నామినేషన్లోను నిన్ను పెడతానంటూ రాహుల్ సిప్లిగంజ్ని టార్గెట్ చేస్తూ మాట్లాడేది. అది కాస్తా శ్రీముఖి విజయావకాశాలను దెబ్బ తీసింది. అసలు ఎలాంటి గేమ్ ఆడకుండానే రాహుల్కి బిగ్బాస్ కిరీటం దక్కింది. ఇవన్నీ చూసి కూడా ఈ సీజన్లో బిగ్బాస్ హౌస్లో వున్న వాళ్లు తమకు తెలియకుండానే కుమార్ సాయిని టార్గెట్ చేస్తున్నారు. దీంతో కుమార్ సాయికి క్రమంగా సింపతీ పెరిగిపోతుంది. నెట్ లో ఫ్యాన్స్ చేస్తున్న పోస్టింగులను చూస్తే ఈ విషయం అర్థమవుతుంది. మరి సాయి ఈ సీజన్ లో గెలిచినా ఆశ్చర్యపోనవసరం లేదు.
|
|