శ్రీలీల చేతిలో నాలుగు సినిమాలు
cinema | Suryaa Desk | Published : Sat, Nov 27, 2021, 02:06 PM
దర్శకేంద్రుడు రాఘవేంద్రరావు దర్శకత్వ పర్యవేక్షణలో వచ్చిన లేటెస్ట్ చిత్రం పెళ్లి సందD. ఆర్కా మీడియా వర్క్స్, ఆర్.కె ఫిలిం అసోసియేట్స్ బ్యానర్స్పై కె.కృష్ణ మోహన్ రావు సమర్పణలో దర్శకేంద్రుడు కె.రాఘవేంద్రరావు అందించిన ఈ చిత్రానికి గౌరి రోణంకి దర్శకత్వం వహించారు. శ్రీకాంత్ తనయుడు రోషన్, శ్రీలీల హీరోహీరోయిన్లుగా నటించారుఈ సినిమాను దసరా కానుకగా ప్రేక్షకుల ముందుకు మంచి విజయాన్ని అందుకుంది. గతంలో పెళ్లి సందడి సంగీతం అందించిన కీరవాణి, గీతా రచయిత చంద్రబోస్ ఈ సినిమాకి కూడా పనిచేయడం విశేషం. రాఘవేంద్రరావు కూడా కీలకపాత్రలో కనిపించి అదరగొట్టారు. గతంలో కృతి శెట్టి అయితే ఎలా ఒక్క సినిమాతో స్టార్ హీరోయిన్గా మారింది.. ఇప్పుడు పెళ్లి సందD సినిమాతో శ్రీలీల పరిస్థితి కూడా అలానే ఉందని అంటున్నారు. పెళ్లి సందD సినిమాలో నటించినందుకు శ్రీలీలకు మంచి పేరొచ్చింది. చూడడానికి అందంగా కనిపించడంతో పాటు నటన, డాన్స్ లలో అదరగొట్టింది.దీంతో ఇప్పటికే ఈ శ్రీలీల చేతిలో నాలుగు సినిమాలు ఉన్నాయని టాక్ నడుస్తోంది.
|
|