'సాలార్' లో నటించమని ఈ స్టార్ హీరోని ప్రభాస్ ఒప్పించాడా?
cinema | Suryaa Desk | Published : Mon, Apr 04, 2022, 11:52 AM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమా 2023 ఏప్రిల్ లేదా జూన్లో విడుదల కానుంది. ఈ యాక్షన్ ఎంటర్టైనర్ సినిమాలో జగపతిబాబు, గోపీ కీలక పాత్రలో కనిపించనున్నారు. ఈ సినిమాలో మలయాళ సూపర్ స్టార్ పృథ్వీరాజ్ సుకుమారన్ కీలక పాత్ర పోషిస్తున్నట్లు మేకర్స్ ప్రకటించారు. ఈ విషయంపై పృథ్వీరాజ్ మాట్లాడుతూ...'గత సంవత్సరం డైరెక్టర్ ప్రశాంత్ నీల్ ఈ ఆఫర్తో నా వద్దకు వచ్చాడు. కానీ షూట్ వాయిదా పడటంతో నేను డేట్స్ ఇవ్వలేకపోయాను. ప్రభాస్ వచ్చి నన్ను సినిమాలో నటించమని ఒప్పించారు. నేను నో చెప్పలేకపోయాను' అని పృథ్వీరాజ్ చెప్పాడు. రవి బస్రూర్ ఈ సినిమాకి సంగీతం అందిస్తున్నారు.ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|