భారత జట్టుకు కొత్త కెప్టెన్‌గా Sanju Samson..?

ఐపీఎల్ ముగిసిన అనంతరం భారత జట్టు Ireland, England జట్లతో టీ20 సిరీస్‌లు ఆడనుంది. ఈ నేపథ్యంలో భారత టీ20 జట్టులో నాయకత్వ మార్పులపై చర్చలు జోరందుకున్నాయి. ముఖ్యంగా Sanju Samsonకు కెప్టెన్సీ బాధ్యతలు అప్పగించే అవకాశాలు ఉన్నాయని వార్తలు వస్తుండగా, Shreyas Iyerను టీమ్ మేనేజ్‌మెంట్ ఎందుకు పక్కన పెడుతోందన్న అంశం కూడా హాట్ టాపిక్‌గా మారింది.ఇటీవల టీ20 ప్రపంచకప్‌ను కైవసం చేసుకున్న భారత జట్టు పూర్తి ఆత్మవిశ్వాసంతో తదుపరి సిరీస్‌లకు సిద్ధమవుతోంది. ప్రస్తుత టీ20 కెప్టెన్ Suryakumar Yadav వయస్సు 35 దాటుతున్న నేపథ్యంలో, భవిష్యత్తు అవసరాలను దృష్టిలో పెట్టుకుని కొత్త నాయకత్వంపై బీసీసీఐ దృష్టి సారించినట్లు సమాచారం.గత కొన్ని రోజులుగా Shreyas Iyerనే భారత టీ20 జట్టు తదుపరి కెప్టెన్‌గా ఎంపిక చేసే అవకాశాలపై వార్తలు వినిపించాయి. ఐపీఎల్‌లో ఆయన చూపించిన నాయకత్వం సెలెక్టర్లను ఆకట్టుకున్నట్లు ప్రచారం జరిగింది. అయితే తాజా సమాచారం ప్రకారం ఇప్పుడు Sanju Samson పేరు ముందుకు వచ్చినట్లు తెలుస్తోంది.కొంతకాలంగా టీ20 జట్టులో స్థిర స్థానం కోసం ప్రయత్నిస్తున్న Sanju Samsonకు, కోచ్ Gautam Gambhir బాధ్యతలు చేపట్టిన తర్వాత వరుస అవకాశాలు దక్కాయి. కొన్ని మ్యాచుల్లో విఫలమైనా, టీమ్ మేనేజ్‌మెంట్ ఆయనపై నమ్మకం ఉంచింది. ఆ విశ్వాసాన్ని నిలబెట్టుకుంటూ కీలక మ్యాచ్‌ల్లో సంజు మంచి ప్రదర్శన చేయడంతో ఆయనకు మరింత ప్రాధాన్యం పెరిగినట్లు తెలుస్తోంది. దీంతో రాబోయే సిరీస్‌లలో వైస్ కెప్టెన్సీ బాధ్యతలు కూడా ఆయనకే దక్కే అవకాశాలు ఉన్నాయని క్రికెట్ వర్గాలు భావిస్తున్నాయి.ఇక Shreyas Iyerకు అవకాశాలు తగ్గడానికి ప్రధాన కారణం టీ20 ఫార్మాట్‌లో స్థిరమైన ప్రదర్శన ఇవ్వలేకపోవడమేనని సమాచారం. మరోవైపు ప్రస్తుతం అద్భుత ఫామ్‌లో ఉన్న Sanju Samson వైపు బీసీసీఐ ఎక్కువ ఆసక్తి చూపుతోందని తెలుస్తోంది.