యువహీరోలను ఒడిసి పట్టుకుంటున్న అల్లు అరవింద్.. వాట్ ఏ స్ట్రాటజీ సర్ జీ..!

టాలీవుడ్ ప్రముఖ నిర్మాణ సంస్థలో గీతా ఆర్ట్స్ ఒకటి. 1972లో అల్లు అరవింద్ స్థాపించిన ఈ నిర్మాణ సంస్థలో ఎన్నో విజయవంతమైన చిత్రాలు నిర్మితమయ్యాయి. దీనికి అనుబంధ సంస్థగా గీతా ఆర్ట్స్ 2(GA 2)ను బన్నీవాసు తో కలిసి సంయుక్తంగా స్థాపించారు అల్లు అరవింద్. ఇటీవలనే అరవింద్ పెద్ద కొడుకు అల్లు బాబీ కూడా నిర్మాణ రంగంలోకి ఎంట్రీ ఇచ్చాడు. తొలి ప్రయత్నంగా వరుణ్ తేజ్ తో గని సినిమా తీసి నష్టాలను చవిచూసారు. 

పోతే.... అల్లు అరవింద్ తన అద్భుతమైన ముందు చూపుతో, యంగ్ హీరోలను బ్లాక్ చేస్తున్నాడని తెలుస్తోంది. పెళ్లి చూపులు సినిమాతో సూపర్ హిట్ అందుకున్న విజయ్ దేవరకొండను వెంటనే తమ నిర్మాణంలో తెరకెక్కబోతున్న గీతగోవిందం లో హీరోగా ఫిక్స్ చేసారు అరవింద్. 2017లో విడుదలైన గీతగోవిందం సినిమా సూపర్ డూపర్ హిట్ అయ్యింది. ఈ సినిమా వల్ల అరవింద్ కు దాదాపు 100కోట్ల రెవెన్యూ వచ్చిందని టాక్. అలానే, హీరో కార్తికేయ ను కూడా RX 100 ఘనవిజయం తర్వాత చావుకబురుచల్లగా లో హీరోగా బుక్ చేసారు అరవింద్. అయితే, ఈ సినిమా ప్రేక్షకుల అంచనాలను అందుకోవడంలో విఫలమైంది. ఇటీవల కాలంలో ఎటువంటి సినీ బ్యాక్ గ్రౌండ్ లేకుండా వచ్చి SR కల్యాణమండపం అనే బ్లాక్ బస్టర్ హిట్ ను అందుకున్న హీరో కిరణ్ అబ్బవరం ను కూడా గీతా ఆర్ట్స్ ఒడిసి పట్టుకుంది. కిరణ్ ను హీరోగా పెట్టి వినరో భాగ్యము విష్ణు కథ అనే సినిమాను గీతా ఆర్ట్స్ తెరకెక్కిస్తుంది. 

తాజాగా యంగ్ హీరో విశ్వక్ సేన్ డేట్స్ ను కూడా గీతా ఆర్ట్స్ బుక్ చేసుకుందని టాక్. విశ్వక్ నటించిన అశోకవనంలో అర్జునకళ్యాణం చిత్రం ఇటీవలనే విడుదలై సూపర్ హిట్ టాక్ తో రన్ అవుతుంది. దీంతో వెంటనే విశ్వక్ తో సినిమా చేసేందుకు గీత ఆర్ట్స్ రెడీ అయినట్టు తెలుస్తోంది. ఈ మేరకు అల్లు అరవింద్ తన స్వగృహంలో విశ్వక్ కు సక్సెస్ పార్టీ ఇచ్చారు. ఇక త్వరలోనే గీతా ఆర్ట్స్ సంస్థలో విశ్వక్ కొత్త సినిమా ప్రారంభం కాబోతుందని వార్తలు వస్తున్నాయి. 

ప్రతి యంగ్ హీరోను కూడా గీతా ఆర్ట్స్ సంస్థలో సినిమాలు చేసేలా ప్లాన్ చేస్తున్న అల్లు అరవింద్ స్ట్రాటజీ బాగానే వర్క్ ఔట్ అవుతున్నట్లుంది. అందుకే లైం లైట్ లో ఉన్న ఏ యంగ్ హీరోను కూడా అల్లు అరవింద్ వదలట్లేదు.