దుల్కర్ సల్మాన్ 'సీతారామం' నుండి మెలోడీ పాట విడుదల
cinema | Suryaa Desk | Published : Mon, May 09, 2022, 05:42 PM_5977.jpg){kind=tracking}
2018లో విడుదలైన 'మహానటి' చిత్రం ద్వారా తెలుగు ప్రేక్షకులను పలకరించిన మలయాళ నటుడు దుల్కర్ సల్మాన్ సీతారామం అనే డైరెక్ట్ తెలుగు మూవీ తో మరో సారి టాలీవుడ్ ప్రేక్షకులను పలకరించబోతున్నాడు. ఈ చిత్రానికి 'అందాల రాక్షసి' ఫేమ్ హను రాఘవపూడి దర్శకత్వం వహిస్తున్నారు. ఈ మూవీ తమిళ,మలయాళ భాషల్లో కూడా విడుదలవనుంది. మృణాల్ ఠాకూర్ హీరోయిన్ గా నటిస్తుండగా, నేషనల్ క్రష్ రష్మిక మండన్న కీలక పాత్రలో నటిస్తుంది. కాశ్మీరీ యువతీ అఫ్రీన్ గా రష్మిక ఇంటెన్స్ రోల్ ను ప్లే చేస్తుంది.
ప్రస్తుతం చిత్రీకరణ దశలో ఉన్న ఈ సినిమా నుండి తాజాగా ఓ సీతా ... హేయ్ !రామా... అనే మెలోడీ పాట విడుదలైంది. విశాల్ చంద్రశేఖర్ సంగీతం అందించిన ఈ పాటను SP చరణ్, రమ్య బెహెర ఆలపించారు. అనంత శ్రీరామ్ సాహిత్యమందించారు. హీరోహీరోయిన్లు తమ ప్రేమను ఒకరికొకరు వ్యక్తీకరించుకునే దశలో ఈ పాట రావడం జరుగుతుంది. ఇందులో మృణాల్-దుల్కర్ పెయిర్ చాలా ఫ్రెష్ గా కనిపిస్తుంది. ముఖ్యంగా విజువల్స్ చాలా బాగున్నాయి. వైజయంతీ మూవీస్ సమర్పణలో స్వప్న సినిమాస్ బ్యానర్ పై అశ్వినీదత్, ప్రియాంక దత్ సంయుక్తంగా నిర్మిస్తున్న ఈ చిత్రంలో సుమంత్, ప్రకాష్ రాజ్, గౌతమ్ మీనన్ కీలకపాత్రలు పోషిస్తున్నారు.
|
|