రెండో పెళ్లి చేసుకున్న ప్రముఖ మ్యూజిక్ డైరెక్టర్
cinema | Suryaa Desk | Published : Mon, May 16, 2022, 12:37 PM
వందకు పైగా తమిళ చిత్రాలకు సంగీతం అందించిన ప్రముఖ మ్యూజిక్ డైరెక్టర్ డి.ఇమాన్ రెండో పెళ్లి చేసుకున్నారు. కోలీవుడ్ ఇండస్ట్రీలో ఎన్నో విజయవంతమైన సినిమాలకు ఆయన సంగీతం అందించారు. సాఫ్ట్వేర్ ఇంజినీర్ మోనికా రిచర్డ్స్ను 2008లో ఆయన వివాహం చేసుకున్నారు. ఎంతో సజావుగా సాగిన వీరి దాంపత్య జీవితం 13 ఏళ్ల తర్వాత వ్యక్తిగత విభేదాలతో విచ్ఛిన్నమైంది. వీరికి ఇద్దరు పిల్లలు ఉన్నారు. అయితే మనస్పర్థలు తీవ్రం కావడంతో విడాకులు తీసుకున్నారు. దీనిపై గతేడాది డిసెంబర్ 29న తమ విడాకుల విషయాన్ని అధికారింగా ఈ జంట ప్రకటించింది. అదే సమయంలో తాను మరో పెళ్లి చేసుకుంటానని సంగీత దర్శకుడు ఇమాన్ తెలిపారు.
ఈ క్రమంలో తాజాగా ఆయన రెండో వివాహం చేసుకున్నారు. దివంగత ఆర్ట్ డైరెక్టర్ ఉబాల్ట్ కుమార్తె అమేలీని ఆదివారం పెళ్లాడారు. బంధువులు, సన్నిహితుల మధ్య వీరి వివాహం చెన్నైలో నిరాడంబరంగా జరిగింది. ఈ కొత్త జంటకు పలువురు సినీ ప్రముఖులు, సన్నిహితులు శుభాకాంక్షలు తెలిపారు. వీరి పెళ్లికి సంబంధించిన ఫొటోలు ప్రస్తుతం సోషల్ మీడియాలో వైరల్గా మారాయి. రజనీకాంత్ హీరోగా నటించిన 'పెద్దన్న', అజిత్ 'విశ్వాసం', సూర్య 'ఎవరికీ తలవంచకు' వంటి సినిమాలు తెలుగులోనూ అనువాదం అయ్యాయి. వాటికి డి.ఇమ్మాన్ సంగీత దర్శకుడిగా వ్యవహరించారు.
|
|