హృద్యమైన భావోద్వేగాలతో ఆకట్టుకుంటున్న 777చార్లీ ట్రైలర్
cinema | Suryaa Desk | Published : Mon, May 16, 2022, 03:39 PM
ప్రముఖ కన్నడ దర్శకుడు, నటుడు రక్షిత్ శెట్టి హీరోగా నటిస్తున్న కొత్త చిత్రం 777చార్లీ. ఈ చిత్రానికి తెలుగులో దగ్గుబాటి రాణా సమర్పకుడిగా వ్యవహరిస్తున్నాడు. కిరణ్ రాజ్ దర్శకత్వంలో కామెడీ అడ్వెంచరస్ థ్రిల్లర్ గా రూపుదిద్దుకున్న ఈ చిత్రాన్ని జి.ఎస్ గుప్తా తో కలిసి రక్షిత్ శెట్టి నిర్మించారు. ఈ సినిమాను మలయాళంలో పృథ్విరాజ్ సుకుమారన్, తమిళంలో కార్తిక్ సుబ్బరాజ్ సమర్పిస్తున్నారు. తాజాగా ఈ మూవీ ట్రైలర్ రిలీజయ్యింది. ఆద్యంతం ట్రైలర్ ప్రేక్షకుల గుండెలను హత్తుకుంది. జీవితంలో ఎవరూ లేని ఒక అనాథకు అనుకోకుండా చార్లీ అనే కుక్కపిల్ల పరిచయమవటం, ఇష్టం లేకపోయినా ఆ కుక్కపిల్లతోనే సహవాసం చెయ్యవలసి రావటం, ఈ క్రమంలో హీరోకి, చార్లీ కి మధ్య బలమైన ఎమోషన్ ఏర్పడటం... ఇలా అన్నిరకాల భావోద్వేగాలతో కట్ చేసిన ట్రైలర్ చాలా బాగుంది. బ్యాక్ గ్రౌండ్ మ్యూజిక్ కూడా సన్నివేశాలకు మరింత బలాన్నిస్తుంది. మొత్తంగా ఒక ఎమోషనల్ డ్రామాగా 777చార్లీ సినిమా జూన్ 10వ తేదీన ప్రేక్షకుల ముందుకు రానుంది.
|
|