మరోసారి ప్రభాస్తో జతకట్టనున్న అనుష్క?
cinema | Suryaa Desk | Published : Tue, May 17, 2022, 12:36 PM
వెండితెరపై అందాల తార అనుష్క కనిపించి చాలా కాలమైంది. ఓటీటీలో ఆమె నటించిన నిశ్శబ్ధం సినిమా 2020 అక్టోబర్ 2న విడుదలైంది. అప్పటి నుంచి ఆమఎ ఏ సినిమాకు కూడా ఒప్పుకున్నట్లు ప్రకటన రాలేదు. ఇటీవల నవీన్ పోలిశెట్టి సినిమాలో ఆమె నటించడానికి ఒప్పుకున్నట్లు వార్తలు వచ్చాయి. అయితే వాటిపై ఆమె నుంచి అధికారిక ప్రకటన రాలేదు. బాహుబలితో పాన్ ఇండియా స్థాయిలో భారీ హిట్ అందుకున్న తర్వాత ఓ భారీ చిత్రం అనుష్క నుంచి రావాలని ఆమె అభిమానులు ఆసక్తిగా ఎదురు చూస్తున్నారు. ఈ క్రమంలో ప్రభాస్ నటించినున్న ఓ సినిమాలో ఆమె హీరోయిన్గా ఎంపికైందనే ప్రచారం సాగుతోంది.
యాక్షన్ చిత్రాలతో పాటు అన్ని రకాల జోనర్లలో సినిమాలు చేయనున్నట్లు ప్రభాస్ గతంలో తెలిపాడు. ఈ క్రమంలోనే సాహో తర్వాత రాధేశ్యామ్ వంటి వింటేజ్ ప్రేమకథా చిత్రానికి ఓకే చెప్పాడు. ప్రస్తుతం ప్రభాస్ హీరోగా తెరకెక్కుతున్న 'సలార్' సినిమా కూడా పక్కా మాస్, యాక్షన్ చిత్రమని చెప్పొచ్చు. ఇవే కాకుండా ఆది పురుష్ వంటి భక్తి ప్రధాన చిత్రంలోనూ, ప్రాజెక్ట్ కే వంటి సైన్స్ ఫిక్షన్ సినిమాను ప్రభాస్ చేయనున్నాడు. ఈ తరుణంలో కామెడీ ప్రధానంగా సాగే మారుతి దర్శకత్వంలో 'రాజా డీలక్స్' చిత్రం కూడా చేయనున్నాడు. ఆ సినిమాలో నటించేందుకు అనుష్కను ఒప్పించారని తెలుస్తోంది. ఇదే గనుక నిజమైతే త్వరలోనే ప్రభాస్-అనుష్క జోడీ వెండితెరపై సందడి చేయనుంది.
|
|