'ఎఫ్3' లో నా పాత్ర మీకు నచ్చుతుంది – సునీల్
cinema | Suryaa Desk | Published : Tue, May 17, 2022, 02:23 PM
అనిల్ రావిపూడి డైరెక్షన్ లో వెంకటేష్, వరుణ్ తేజ్ నటిస్తున్న "ఎఫ్3" సినిమా మే 27, 2022న థియేటర్లలో రిలీజ్ కానుంది. తమన్నా భాటియా అండ్ మెహ్రీన్ పిర్జాదా ఈ సినిమాలో కథానాయికలుగా నటిస్తున్నారు. ఈ ఫ్యామిలీ ఎంటర్టైనర్ చిత్రం కోసం అందరు ఆశక్తిగా ఎదురుచూస్తున్నారు. ఈ సినిమాలో సునీల్ కూడా కీలక పాత్ర పోషిస్తుండగా, తాజాగా సునీల్ మీడియాతో మాట్లాడారు. ఈ సినిమాలో సునీల్ తన పాత్ర గురించి చెబుతూ.. సినిమా మొత్తం ఉంటానని, ఫస్ట్ హాఫ్ లో కీలకమైన ఇంపాక్ట్ ఉంటుందన్నారు. అంతేకాకుండా పాతకాలపు హాస్యంలో ప్రేక్షకులు తనను చూస్తారని సునీల్ తెలిపారు. తనకు ఇంత మంచి పాత్ర ఇచ్చినందుకు అనిల్ రావిపూడికి కృతజ్ఞతలు తెలిపిన ఈ పాపులర్ కమెడియన్ ఎఫ్2 కంటే ఎఫ్3 పెద్ద హిట్ అవుతుందని చెప్పారు. రాజేంద్ర ప్రసాద్, సోనాల్ చౌహాన్, ప్రకాష్ రాజ్ ,మురళీ శర్మ, సంగీత, అంజలి ఈ అవుట్ అండ్ అవుట్ కామెడీ ఎంటర్టైనర్లో కీలక పాత్రలు పోషించారు. దిల్ రాజు నిర్మించిన ఈ సినిమాకి దేవి శ్రీ ప్రసాద్ మ్యూజిక్ అందించారు.
|
|