ఆమెకు స్పెషల్ గా బర్త్ డే విషెస్ చెప్పిన లైగర్
cinema | Suryaa Desk | Published : Wed, May 18, 2022, 11:40 AM
రౌడీ హీరో విజయ్ దేవరకొండ తొలి పాన్ ఇండియా చిత్రం లైగర్. బాక్సింగ్ నేపథ్యంలో, పక్కా మాస్ మసాలా మూవీగా రూపొందిన ఈ చిత్రంలో బాక్సింగ్ దిగ్గజం మైక్ టైసన్ ఒక కీలక పాత్రను పోషిస్తున్నాడు. ఈ చిత్రంతోనే మైక్ టైసన్ భారతీయ సినీ రంగ ప్రవేశం చేస్తున్నారు. డాషింగ్ డైరెక్టర్ ఎంతో ప్రతిష్టాత్మకంగా దర్శకత్వం చేసిన సినిమా ఇది. ఇందులో బాలీవుడ్ యంగ్ బ్యూటీ అనన్యా పాండే హీరోయిన్. బాలీవుడ్ లో పేరెన్నికైన నిర్మాణ సంస్థ ధర్మ ప్రొడక్షన్స్, పూరీ కనెక్ట్స్ బ్యానర్లపై కరణ్ జోహార్, పూరీ జగన్నాధ్, హీరోయిన్ ఛార్మి కౌర్ ఈ చిత్రాన్ని నిర్మించారు. భారీ అంచనాలు నెలకొన్న ఈ చిత్రం ఆగస్టు 25న విడుదలకాబోతుంది. తాజాగా లైగర్ సహా నిర్మాత ఛార్మీకౌర్ పుట్టినరోజు సందర్భంగా హీరో విజయ్ దేవరకొండ స్పెషల్ గా పుట్టినరోజు శుభాకాంక్షలను తెలిపారు. నిన్న ఛార్మి తన 35వ పుట్టినరోజును చాలా గ్రాండ్ గా జరుపుకుంది. ఈ మేరకు విజయ్ దేవరకొండ 'హ్యాపీ బర్త్ డే ఛార్మి ... మిస్ యూ గయ్స్' అంటూ ట్వీట్ చేసాడు. లైగర్ విడుదలకింకా వంద రోజుల సమయముంది... ఈ టైం తొందరగా పరిగెడితే బాగుండు.. అంటూ తన ట్వీట్ లో విజయ్ పేర్కొన్నాడు.
చాలా కాలం క్రితం నుండే ఛార్మి సినిమాల్లో నటించటం మానేసింది. అయితే, నిర్మాతగా మారి సినీ ఇండస్ట్రీలో కొనసాగుతుంది. పూరి జగన్నాధ్, ఛార్మి సంయుక్తంగా పూరి కనెక్ట్స్ ను నిర్మించి పలు చిత్రాలను నిర్మిస్తున్నారు.
|
|