ఒక్క దెబ్బకు రెండు పిట్టలు... హీరో నితిన్ సూపర్ స్ట్రాటజీ
cinema | Suryaa Desk | Published : Thu, May 19, 2022, 03:52 PM
టాలీవుడ్ ట్యాలెంటెడ్ హీరో నితిన్ ప్రస్తుతం మాచర్ల నియోజకవర్గం సినిమా షూటింగుతో చాలా బిజీగా ఉన్నాడు. చెక్, మ్యాస్ట్రో ఫ్లాప్ తో కెరీర్ డౌన్ స్టేజ్ లో ఉన్న నితిన్ ఈసారి ఎలా అయినా హిట్ కొట్టాలనే కసితో ఒకేసారి రెండు సినిమాలను పట్టాలెక్కించేసాడు. MS రాజశేఖర్ రెడ్డి దర్శకత్వంలో నితిన్, కృతిశెట్టి జంటగా నటిస్తున్న చిత్రం మాచర్ల నియోజకవర్గం. శ్రేష్ట్ మూవీస్ పతాకంపై సుధాకర్ రెడ్డి, నిఖితా రెడ్డి నిర్మిస్తున్న ఈ చిత్రంలో కేథరిన్ థెరిస్సా మరో హీరోయిన్ గా నటిస్తున్నారు. మహతీ స్వరసాగర్ ఈ సినిమాకు సంగీతం అందిస్తున్నారు. ఈ మూవీలో ఉండబోయే 3 పాటలను షూట్ చెయ్యటానికి టీం మొత్తం ఇటలీకి వెళ్ళింది. పాటకు పాటకు మధ్య షూటింగ్ లో కొంచెం విరామం దొరకడంతో నితిన్ కి ఒక అద్భుతమైన ఐడియా వచ్చిందట. వక్కంతం వంశీ తో తను చేస్తున్న కొత్త చిత్రంలో ఉండబోయే పాటల షూటింగును ఈ సమయంలో కానిచ్చేయాలని ఆ మూవీ టీం మొత్తాన్ని కూడా ఇటలీకి రమ్మని ఆర్డర్ వేసాడట. ఈ మేరకు డైరెక్టర్ వక్కంతం వంశీ, హీరోయిన్ శ్రీలీల, కెమెరామెన్, కొరియోగ్రాఫర్ లు ఇటలీకి చేరుకున్నారట. వక్కంతం డైరెక్షన్లో నితిన్ తన 32వ సినిమాను చేస్తున్నాడు. టైటిల్ ఖరారు చెయ్యని ఈ సినిమాను నితిన్ తన సొంత బ్యానర్లో నిర్మిస్తున్నారు. నితిన్ వేసిన సూపర్ ప్లాన్ తో ఇటలీలో రెండు సినిమాల షూటింగులు ఒకే సమయంలో పూర్తవుతాయి. టైం వృధా అవదు. వీలైనంత త్వరగా ఈ రెండు సినిమాలను విడుదల చెయ్యొచ్చు.
|
|