అలాంటి విమర్శకులను నేను పట్టించుకోను: పాయల్ రాజ్ పుత్

‘‘విమర్శలకు అంతే ఉండ‌దు. బికినీ వేస్తే బోల్డ్ అంటారు. చీర క‌డితే ఆంటీ అంటారు’’ అని నేటిజన్ల విమర్శలపై హీరోయిన్ పాయ‌ల్‌ రాజ్ పుత్ ఘాటుగా స్పదించారు. రీసెంట్‌గా ఆల్క‌హాల్ బ్రాండ్‌ను ప్ర‌మోట్ చేసిన‌ప్పుడు ఎదుర్కొన్న విమ‌ర్శ‌ల‌పై కూడా రియాక్ట్ అయ్యారు. ‘‘ప్రభుత్వం లీగల్‌గా ఒప్పుకున్న‌ ఆల్కహాల్ బ్రాండ్ అవి. మేమూ మ‌నుషుల‌మే. మహిళ‌లు మందు కొడ‌తారు. చిల్ అవుతారు. విమ‌ర్శించే వాళ్ల‌కు ప్ర‌తీదీ స‌మ‌స్యే. అందుక‌నే విమ‌ర్శ‌లు చేసేవాళ్ల‌ను ప‌ట్టించుకోవ‌డం మానేశాను’’ అని అన్నారు పాయల్‌. ఇదే విష‌యంపై హీరోయిన్ నైనా గంగూలీ కూడా రియాక్ట్ అయ్యారు. మ‌హిళ‌లు అందంగా, ఆక‌ర్ష‌ణీయంగా ఉంటారు. అందుక‌నే బ్రాండ్స్ వారిని వెతుక్కుంటూ వ‌స్తాయ‌ని నైనా పేర్కొన్నారు. ఇటీవ‌ల కండోమ్ యాడ్స్‌లో న‌టించిన హీరోయిన్ నిధి అగ‌ర్వాల్‌, హీరోయిన్ అనిత‌పై కూడా విమ‌ర్శ‌లు వ‌చ్చాయి. అయితే కొంద‌రు అందులో త‌ప్పేముంది అని కూడా అంటున్నారు.

ఇదిలావుంటే తొలి చిత్రం ఆర్ ఎక్స్ 100 సూపర్ హిట్ కావడంలో తనదైన నటనతో కీలక పాత్ర పోషించిన హీరోయిన్ పాయల్ రాజ్‌పుత్‌కి ఆ త‌ర్వాత ఎందుక‌నో ఆశించిన స్థాయిలో అవ‌కాశాలు మాత్రం రాలేదు. వ‌చ్చిన ఛాన్సులు కూడా ఆమెకు స‌క్సెస్‌ను క‌ట్ట‌బెట్ట‌లేదు. అయినా కూడా పాయ‌ల్ ఎక్క‌డా నిరుత్సాహ‌ప‌డ‌టం లేదు. పోయిన చోటే వెతుక్కోవాలే అనే సూత్రాన్ని ఫాలో అవుతూ హైద‌రాబాద్‌లోనే సెటిలైంది. సినిమా ఆఫ‌ర్స్‌ను అందుకోవ‌డానికి త‌న వంతు ప్ర‌యత్నాల‌ను చేస్తూ వ‌స్తుంది పాయ‌ల్ రాజ్‌పుత్‌.

ఈ క్ర‌మంలో పాయ‌ల్ రాజ్ పుత్ కేవ‌లం సినిమాల‌కే ప‌రిమితం కాలేదు. వీలును బ‌ట్టి డిజిట‌ల్ మాధ్య‌మంలోనూ న‌టించి మెప్పించే ప్ర‌య‌త్నం చేసింది. అలాగే క‌మ‌ర్షియ‌ల్ యాడ్స్‌లోనూ న‌టిస్తోంది. అంతా స‌వ్యంగా న‌డుస్తుంద‌ని అనుకుంటున్న త‌రుణంలో పాయల్ రాజ్‌పుత్ ఇటీవ‌ల ఓ ఆల్క‌హాల్ బ్రాండ్‌లో యాక్ట్ చేసింది. ఓ సెల‌బ్రిటీ, అందులోనూ అమ్మాయి ఆల్క‌హాల్ తాగ‌మ‌ని ఎలా చెబుతుందంటూ నెటిజన్స్ సోష‌ల్ మీడియా వేదిక‌గా పాయ‌ల్‌పై విమ‌ర్శ‌లు చేశారు. దీనిపై పాయ‌ల్ రియాక్ట్ అయ్యారు.