ప్రేమ పట్ల సాయిపల్లవి అభిప్రాయమిదే
cinema | Suryaa Desk | Published : Wed, May 25, 2022, 12:15 PM
జీవితంలో ప్రేమలో పడని వారు, వానలో తడవని వారు ఉండరనేది సామెత. ఇదే ప్రశ్నను ఇటీవల ఓ ఇంటర్వ్యూలో హీరోయిన్ సాయిపల్లవికి సంధించగా ఆమె తన అభిప్రాయాన్ని చెప్పింది. అందం, అభినయం కలబోతతో సాయిపల్లవి ఎంతో మంది ప్రేక్షకుల హృదయాలను కొల్లగొట్టింది. ఇక ఆమె డ్యాన్స్ చేస్తే నెమలి పురివిప్పటినట్లు ఉంటుందని విమర్శకులు సైతం ప్రశంసిస్తుంటారు. తెలుగు ప్రేక్షకులను చివరగా 'శ్యామ్ సింగరాయ్' సినిమాతో ఆమె పలకరించింది. త్వరలోనే రానా హీరోగా ఆమెతో పాటు ప్రియమణి ప్రధానపాత్రల్లో నటించిన 'విరాట పర్వం' త్వరలో విడుదల కానుంది. ఈ సినిమాకు సంబంధించి ప్రమోషన్లను చిత్ర యూనిట్ వేగవంతం చేసింది.
ఇందులో భాగంగా జరిగిన ఓ ఇంటర్వ్యూలో సాయిపల్లవిని ఐటమ్ సాంగ్స్లో నటించడంపై ప్రశ్నించగా తాను అలాంటి పాటలలో నర్తించేది లేదంటూ సమాధానమిచ్చింది. తనకు అలాంటివి సూట్ కావని తెలియజేసింది. చివరిగా ప్రేమ గురించి అడడగా జీవితంలో కెరీర్తో పాటు ప్రేమ కూడా ముఖ్యమేనని తెలిపింది. ఈ రెండింటిలో ఏది లేకపోయినా జీవితం అసంపూర్ణంగా ఉంటుందని అభిప్రాయపడింది. ఇక నక్సలిజం నేపథ్యంలో రానా హీరోగా, సాయిపల్లవి జోడీగా రానున్న చిత్రం 'విరాటపర్వం' జూలై 1న థియేటర్లలో విడుదల కానుంది. వేణు ఉడుగుల ఈ సినిమాకు దర్శకత్వం వహించగా, ప్రియమణి, నవీన్ చంద్ర, నందితా దాస్ వంటి వారు కీలక పాత్రలను పోషించారు.
|
|