ప్రముఖ సినీ నటి ఆత్మహత్య
cinema | Suryaa Desk | Published : Thu, May 26, 2022, 03:36 PM
సినీ రంగాన్ని వరుస విషాదాలు వెంటాడుతున్నాయి. ఇటీవల కాలంలో ప్రముఖులు తమ అభిమానులను శోక సంద్రంలో ముంచేస్తూ, ఈ లోకాన్ని విడిచిపెడుతున్నారు. తాజాగా బెంగాలీ నటి బిదిషా డి మజుందార్ (21) ఆత్మహత్య చేసుకుంది. బెంగాలీ ప్రజలకు ఆమె సుపరిచితం. మోడల్గా కెరీర్ మొదలు పెట్టి, నటిగా మారిన బిదిషా కోల్కతాలోని తన అపార్ట్మెంట్లో బుధవారం ఉరి వేసుకుని బలవన్మరణానికి పాల్పడింది. కోల్కతాలోని నాగర్బజార్ ప్రాంతంలో నాలుగు నెలలుగా స్థానికంగా ఫ్లాట్ అద్దెకు తీసుకుని నివాసం ఉంటుంది. కొన్ని రోజులుగా ఆమె బయటకు రాకపోవడంతో స్నేహితులకు అనుమానం వచ్చి పోలీసులకు విషయం చేర వేశారు. వారు వచ్చి తలుపు బద్దలుగొట్టి లోపలకు వెళ్లారు. వారికి అక్కడ ఉరి వేసుకున్న బిదిషా కనిపించడంతో హుటాహుటిన ఆసుపత్రికి తరలించారు. అప్పటికే ఆమె మృతి చెందినట్లు వైద్యులు వెల్లడించారు.
బిదిషా నివాసం ఉంటున్న ఫ్లాట్లో సూసైడ్ నోట్ను కూడా పోలీసులు స్వాధీనం చేసుకున్నారు. ఆమెకు అనుభాబ్ బేరా అనే బాయ్ఫ్రెండ్ ఉన్నాడు. అతనితో విభేదాల కారణంగా కొంతకాలంగా ఆమె డిప్రెషన్లో ఉందని ఆమె స్నేహితులు వెల్లడించారు. బుధవారం తెల్లవారుజామున 4 గంటల వరకు ఆమెతో ప్రియుడు చాటింగ్ చేశాడని పోలీసుల విచారణలో తేలింది. స్నేహితులు ఆమెను కొంత కాలంగా ఓదార్చుతున్నారని, అయితే తీవ్ర నిస్పృహతో ఉన్న ఆమె చివరికి ఆత్మహత్యకు పాల్పడిందని పోలీసులు అభిప్రాయపడుతున్నారు. కేసు నమోదు చేసి, దర్యాప్తు చేపట్టారు.
|
|