'ది లెజెండ్' ఆడియో లాంచ్ ఈవెంట్కు హాజరుకానున్న 10 మంది స్టార్ హీరోయిన్లు
cinema | Suryaa Desk | Published : Sat, May 28, 2022, 10:32 AM
జెడి-జెర్రీ దర్శకత్వంలో కోలీవుడ్ స్టార్ హీరో శరవణన్ అరుల్ తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి 'ది లెజెండ్' అనే టైటిల్ ని మూవీ మేకర్స్ లాక్ చేసారు. ఈ సినిమాలో శరవణన్ అరుల్ సరసన ఊర్వశి రౌతేలా లేడీ లవ్ గా కనిపించనుంది. తాజాగా ఇప్పుడు ఈ ఆదివారం చెన్నైలోని జవహర్లాల్ నెహ్రూ ఇండోర్ స్టేడియంలో ఈ సినిమా ఆడియో లాంచ్ ఈవెంట్ ని గ్రాండ్గా నిర్వహించేందుకు లెజెండ్ శరవణన్ ప్లాన్ చేస్తున్నట్లు సమాచారం. మే 29న సాయంత్రం 6 గంటల నుంచి ఈ ఈవెంట్ ప్రారంభం కానుంది. ఆసక్తికరమైన విషయం ఏమిటంటే, స్టార్ యాక్ట్రెస్ పూజా హెగ్డే, తమన్నా భాటియా, హన్సిక, ఊర్వశి రౌతేలా, శ్రీ లీల, శ్రద్ధా శ్రీనాథ్, లక్ష్మీ రాయ్, యాషికా ఆనంద్, నూపూర్ సనన్ మరియు డింపుల్ హయాతి ఈ గ్రాండ్ ఈవెంట్కు లైవ్ డ్యాన్స్ షో చేయడానికి హాజరవుతున్నారు అని మేకర్స్ వెల్లడించారు. ఈ ఆడియో, ట్రైలర్ లాంచ్ ఈవెంట్ కు పలువురు సెలబ్రిటీలు కూడా హాజరుకానున్నారు. నాజర్, ప్రభు, వివేక్, యోగి బాబు తదితరులు ఈ సినిమాలో కీలక పాత్రల్లో కనిపించనున్నారు. ఈ పాన్ ఇండియా సినిమాకు హరీష్ జైరాజ్ సంగీత అందిస్తున్నారు.
|
|